“WÖYZA volveu pelexando, con esa seguridade das cantantes que saben que teñen algo diferente. Na miña opinión ningunha outra voz neste país transpórtanos á esencia do hiphop soul americano con tanta autenticidade”, así fala o coñecido rapeiro/MC, poeta, escritor e actor Nach desta cantante galega, nada en Moaña hai 32 anos e criada en Vigo, con oportunidade da publicación do seu novo disco, Pelea, cuxa presentación en Santiago de Compostela acolle Riquela Club o venres 3 de marzo.
WÖYZA deixanos a pegada da súa voz, auténtica e desgarradora, en cada un dos temas que conforman o seu primeiro disco de longa duración composto por 11 cortes fabricados dende a alma e directos ao estudo de gravación. Comeza de xeito contundente, a súa faciana máis guerreira en Pelea. Pasa por rexistros e cancións que denotan a evolución artística e persoal da autora, onde teñen cabida a temática social, a autosuperación, a independencia ou a sensualidad. O álbum remata cun poema que adquire forma de canción, Ahora, onde nos amosa o seu lado máis tenro e delicado en torno ao amor. WÖYZA contou en Pelea, gravado a cabalo entre Portugal e Galicia, con outros grandes do panorama nacional e internacional, salientando o produtor canadiense afincado en Brooklyn Marco Polo, o madrileño Lex Nevl, o artista vigués Mweslee (destacado membro de Arkestra), o guitarrista Antonio Casado, o cantante portugués Macaia e as cordas de El Hombre Viento. Un álbum feito con moito agarimo, dedicación, constancia e sacrificio.
10€/8€ (anticipada)
(+ gastos) Puntos de venda:
Riquela, A Reixa Tenda, codetickets.com Entradas
Comparte! Presentación do disco "Pelea" | Apertura portas 20.00h
