Willie & Winnie abarca diversos xéneros como o jazz, o ambient, a música electrónica e o folk americano, é coñecido polas súas baladas sombrías con arranxos sofisticados. En xaneiro do 2020 lanzan "You & I". Un álbum escuro e emotivo que conquista polo seu carácter outonal recollido en ondas de sintetizador, na calidez da guitarra acústica e, sobre todo, nas voces, as auténticas protagonistas da súa proposta. Para a gravación do disco, producido e mesturado por Arturo Vaqueiro (ex Humanoid), contaron con algúns dos mellores músicos da escena galega: Alejandro Casquero ao piano, Alejandro Masafret ao baixo, Ton Risco á batería e Antonio Otero ao saxo alto.
En 2021 lanzan “Trace”, producido, gravado e mesturado pola mesma banda, é un conxunto de pezas de carácter contemplativo que recentemente se converteu en peza fundamental da instalación sonora e fotográfica “Cara a Dentro” que estivo durante o pasado mes exposta no Centro Torrente Ballester de Ferrol.
Na primavera de 2022 colaboran nun disco recompilatorio en homenaxe ao icónico Andrés do Varro, o primeiro artista en conseguir varios números uno en lingua galega. A banda ofrece unha interpretación íntima do seu tema “Eu Non Sei” baixo o único acompañamento do piano de Alejandro Casquero. Actualmente atópanse realizando novos traballos con novas amizades como Taylor Deupree dos que proximamente oiredes falar.
https://www.instagram.com/willienwinnie/ https://linktr.ee/willienwinnie
5€
(+ gastos) Puntos de venda:
A Reixa Tenda e Riquela
Comparte! Presentación de "Trace"
