“Estás cantando esta canción dende tus entrañas, queres que o público tamén a sinta nas súas entrañas e tes que facer que crean que tamén estás sentado entre eles, teñen que ser capaces de conectar co que fas” (Johnny Cash)

“Johnny Cash é un deses grandes compositores cos que te das conta de que con moi pouco se pode facer moito” (Benjamín Vázquez)

SABELA KING voz
MARTÍN ESTURAO voz e guitarra
RAFA CAMPOY guitarra
RAMÓN FIGUEIRAS harmónica
BENJAMÍN VÁZQUEZ guitarra
PAULO DA SILVA percusión

Sabela King & The Heartbreakers é un trío formado por Sabela King á voz, ukelele e percusión, Benjamín Vázquez á guitarra e Ramón Figueira á harmónica. Con tan só dous anos de vida, realizaron xa numerosos concertos entre os que destaca a súa participación no prestixioso Outono Códax Festival, así como varias presentacións no Feito a Man, cita imprescindible dos amantes dos concertos polas rúas de Compostela. A súa música, lonxe de encasillarse nun estilo definido, combina retrincos de blues, soul, country, reggae ou, mesmo, dance. O repertorio de Sabela King & The Heartbreakers, formado tanto por temas propios como por versións de clásicos, ofrece un novo punto de vista musical con matices que prometen sorprender. Influenciados por artistas como Amy Winehouse, Moloko, Emily Loizeau ou J. B. Lenoir, os seus directos auguran un clima íntimo e intenso.

Martín Esturao (Mad Martin), nado e criado en Londres de familia compostelá emigrada, se muda a España e comeza a súa aventura musical a mediados dos 80. Forma a súa primeira banda Los Pharaones, formada por amigos do instituto, máis tarde únese a El Pedramol (psychobilly-punk) e en 1990 funda Clan Moriarty, banda de rock&roll clásico coa que grava os seus primeiras demos e que ten certa repercusión sendo citados por Ruta 66 entre outras publicacións. Coíncide cronoloxicamente con The Tombstones, banda de culto e alternativa compostelá. A mediados dos 90 entra a formar parte de Jacob's Name e en 1998 únese a Los Feliz, banda liderada por Miguel Costas tras abandonar Siniestro Total coa que terá oportunidade de compartir cartel con grupos nacionais e internacionais como ZZ Top, Neil Young, Jethro Tull, etc. En 2008 regresa ao rock&roll clásico e funda Doutor Gringo e tras a disolución do grupo forma Mad Martin Trío, banda que lidera na actualidade coa que, despois de gañar concursos nacionais como o prestixioso Azkena Rock, e tras case 3 anos virando sen descanso, preparan o que será o seu segundo longo para a discográfica sueca Vintjärn Records. Alterna a súa actividade como músico coa súa carreira como produtor discográfico e técnico de son nos estudos de gravación Bungalow de Santiago de Compostela.

MEMORIA DE JOHNNY CASH

Froito da colaboración con Licor 43 e baixo o nome GINGER 43 LIVE, un dos fíos conductores da primeira programación de Nadal do novo Riquela Club é unha homenaxe a un dos músicos máis influíntes do século XX, o gran Johnny Cash, ao que dedicaremos tres sesións que protagonizarán músicos galegos de variados estilos e contrastada calidade como Martín Esturao (Mad Martin), Sabela King, Nestor Pardo, Antonio López, Óscar Avendaño…, artistas que sen dúbida proporcionarán unha enriquecedora achega para redescubrir a este mítico e xenial artista de intensa personalidade ao que resulta difícil poñer unha etiqueta e que é considerado un dos máximos expoñentes da música country. Toño López (vocalista de The Soul Jacket) e Oscar Avendaño (Los Profesionales, Siniestro Total) unirán as súas forzas no primeiro dos concertos deste ciclo “Memoria de Johnny Cash”, mentres que o coruñés Pardo será o protagonista do segundo e, no terceiro, contamos cunha especial colaboración para a ocasión, a de Sabela King y Mad Martin. É a primeira vez que se celebran todos estes conciertos, trátase dunhas propostas cuxo estrea absoluta terá lugar no Riquela Club durante estas dúas semanas previas ao Nadal 2016. A entrada para os tres concertos é gratuíta ata completar o aforo do local.