Tras anos desenvolvendo a súa faceta como compositor no grupo Sinestesia, Tomás Porteiro decide comezar unha nova andaina, esta vez en solitario, defendendo as súas cancións en formatos máis acústicos e reducidos. Para esta aventura contará coa axuda de algúns músicos. Un deles é Jose Zas, que co seu clarinete coloreará as novas composicións deste proxecto. No 2020 únese Carlos Gil co Contrabaixo.
Tras publicar varios Singles que viron a luz de forma independente, Tomás decide publicar unha reunión de distintas gravacións, algunhas producidas por el mesmo, baixo o nome de Material Disperso 2018 - 2021. Os temas exploran sonoridades máis jazzísticas sen renunciar a sinxeleza e inmediatez do pop. As novas canción sobrevoan sonoridades folk - rock, aínda que algunhas delas se acercan á tradición máis latina, con especial coidado do texto.
No ano 2021 é nominado na categoría de mellor proxecto de canción de autor nos premios Martín Codax da Música, e presenta o proxecto en distintas salas galegas.
Nos tempos da superprodución e do autotune, esta proposta aposta pola comunicación da canción na súa esencia, sen artificios, case poderiamos decir que esquelética, famenta, recén chegada.
https://tomporteiro.bandcamp.com https://www.instagram.com/tomas_porteiro/?hl=es
6€
(+ gastos) Puntos de venda:
Riquela
Comparte! Presentación "Material Disperso 2018 - 2021"
