“A formación de rock and roll de dúas persoas máis grande do mundo”, así definiu a publicación británica The Next Big Thing a esta alianza entre Flavia Couri (guitarra e voz) e o batería Martin Couri. Veñen para abrir esta XIV edición do Outono Códax no Riquela Club avalados polo lendario selo londiniense Damaged Goods, cunha proposta na que teñen cabida o garaje, o blues, o surf e o rock and roll tinguido de amor polos anos 70 (en particular polo universo de Phill Spector e as melodías de grupos femininos como Ronettes, Marvelettes e Shangri-Las) pero tocado con actitude valente, seguindo o exemplo de bandas como Troggs, Who, Kinks, Sonics, Ramones, Cramps ou Jon Spencer.
Imaxes vintage, fascinacións retro, sons analóxicos e Lo-Fi, guitarras con fuzz, melodías que unhas veces son azucradas e outras furiosas, maracas, suspiros, dores de amor, muro de son, encanto e sensualidade… Estes son algúns dos ingredientes da receita dos seus concertos, do que poderemos gozar na Sala Riquela e dos que están a gozar os festivais do xénero máis importantes.
https://www.instagram.com/thecourettes/ https://thecourettes.bandcamp.com/
Outono Códax Festival
15€
(+ gastos) Puntos de venda:
Ataquilla Entradas
Comparte!
