A cantautora Sunny War chega ao Outono Códax cun novo álbum, o sexto, titulado «Anarchist Gospel», publicado neste mesmo 2023. Criada nunha familia musical entre os centros musicais de Nashville e Detroit, a temperá idade desenvolveu un estilo único á hora de tocar a guitarra acústica. Influenciada por xéneros tan diversos como o bluegrass, o punk e o Delta blues, gañou notoriedade pola súa capacidade para fusionar algúns dos aspectos tecnicamente máis desafiantes do bluegrass coa catarse espiritual asociada co blues acústico.
Na súa proposta teñen cabida o góspel, o country blues, o folk introspectivo, o rock and roll de rompe e racha, e mesmo experimentos vangardistas. A mestura de todo isto configura un son único e distintivo que invoca a calidade emotiva que se atopa no gran libro de cancións norteamericanas.
«Catorce xoias que che envolven e conmoven coa sabedoría dunha alma vella atrapada nun corpo de 32 anos. Historias que destilan esa espiritualidade que atopamos xa no título do álbum, pero desprendéndoa de calquera tipo de relixiosidade. De aí o anarquista da súa proposta», escribía Monodosonoro na crítica de «Anarchist Gospel». Pois iso mesmo, unha xoia para empezar.
https://www.sunnywar.com/ https://www.instagram.com/sunnywarmusic
Outono Códax
17€ / 15€ anticipada
(+ gastos) Puntos de venda:
A Reixa Tenda e Riquela Club Entradas
Comparte! Dentro da programación do Outono Códax 2023
