Berlín é dende hai décadas unha das ciudades europeas culturalmente máis relevantes e inquedas, cunha morea de tendencias creativas, tamén no eido do blues. Berlín foi a razón pola que Stefano Ronchi e Marcos Coll se atopan e cruzan os seus talentos que plasman no seu primeiro traballo discográfico que agora presentan por primeira vez en Galicia. Street Prechin contén dez temas (orixinais de Marcos Coll e Stefano Ronchi xunto a algunha versión retorcida de clásicos do blues) e foi gravado nos estudos Gooving Tomato de Berlín a principios de 2016.
Stefano Ronchi é unha das figuras máis relevantes da escena do blues italiano. O seu repertorio musical centrase na música folklórica negra dos anos vinte e trinta do século XX, dende o delta blues ata piedmont blues. Stefano Ronchi ven traballando e xirando por todo o mundo incansablemente compartindo escenario con bluesman contemporáneos como Lurrie Bell, James Wheeler e, nesta ocasión, acompañado polo compostelán Marcos Coll, a quen coñece en Berlín nas lendarias Monday Jelly Roll Session do mítico local White Trash.
Marcos Coll é un dos nosos embaixadores musicais polo mundo dende que deixara Galicia para comezar a súa carreira profesional coa Tonky Blues Band e xirar con Buddy Miles ou Mick Taylor; despois chegarían o seu extraordinario ascenso con Adrián Costa en Los Reyes del K.O. e as súas innumerables colaboracións para converterse nunha das máis grandes referenzas coma solista de armónica no blues europeo e imaxe promocional de Hohner, a marca de harmónicas máis importante do mundo.
En directo, Stefano Ronchi e Marcos Coll son puro sabor country blues e exploran un estilo antigo e conmovedor achegándose á mellor das tradicions do xénero misturado con innovacións coma samplers e incluso atrevendose co hiphop. Marcos Coll e Stefano Ronchi presentan Street Prechin en Riquela Club nun formato reducido a dúo co que cativan o público dende o primeiro momento nun espectáculo moi intimista e no que os asistentes rematan formando parte do propio show. A cita é o xoves 30 de marzo no marco da colaboración dos ciclos Deleite ao Vivo e Riquela Rhythm & Blues.
10€/8€ (anticipada)
(+ gastos) Puntos de venda:
Riquela, A Reixa Tenda, entradasatualcance.com, Correos Entradas
Comparte! Deleite ao vivo | Riquela Rhythm & Blues | Presentación do disco "Street Prechin" | Apertura de portas 20.30h
