Riquela Club acolle un concerto único enmarcado nos Atlantic Days que organiza o arousano Atlantic Fest que brinda a oportunidade de gozar dun dos artistas máis talentosos do panorama musical independente nacional. Nada máis e nada menos que 17 discos avalan a impecable traxectoria musical de SR. CHINARRO, que chega a Santiago en formato acústico e cun novo disco debaixo do brazo, “El Progreso”. Este último longa duración de Dr. Chinarro amosa unha vez máis o enorme potencial de Antonio Luque como compositor e o coroa como un dos mellores letristas do país. Sr. Chinarro é unha banda formada en 1990 por Antonio Luque, pioneiro da música alternativa ou indie en España. Ao longo da súa carreira, Antonio Luque rodeouse de incontables músicos e conseguíu con Sr. Chinarro o recoñecemento da crítica e dun público fiel cada vez máis numeroso, en particular tras a publicación en 2005 de “El Fuego Amigo”, disco producido por J, de Los Planetas, quen repite na produción de “El Progreso”. Ademais das incontables xiras por salas, Sr. Chinarro é invitado habitualmente a tocar nos principais festivais españois, como o Primavera Sound ou o FIB, só por poñer dous exemplos, e en prestixiosos festivais internacionais como os de Porto, Brasilia, A Haia, México DF, Monterrey, Guadalajara, Santiago de Chile, Londres, etc.
http://www.srchinarro.com https://www.facebook.com/srchinarro666
15€/12€ (anticipada)
(+ gastos) Puntos de venda:
Riquela, A Reixa Tenda, www.atlanticfest.com Entradas
Comparte! Atlantic Days / Atlantic Fest 2017 | Apertura portas 20.30h
