Os vigueses The Soul Jacket traballaron duro dende a súa creación en 2004 ata establecerse como un dos referentes no rock&roll galego e estatal. O seu sorprendente primeiro disco Wood Mama, autoeditado en 2012, foi acollido con entusiasmo pola prensa especializada; un éxito ratificado en 2014 no segundo longa duración, Black Cotton Limited, no que continúan esa busca dunha identidade propia e un son único e persoal. “Estamos ante un paso adelante brutal. Mejor disco nacional del pasado año para el que firma. Con diferencia” (Ruta66). The Soul Jacket deslízase libremente entre os estilos dunha Norteamérica mítica que absorberon e incorporaron a un rexistro propio rico en matices. Herdeiros deste son típicamente americano, The Soul Jacket destila, coa carismática voz e apabullante presenza escénica de Toño López á fronte, un rock&roll clásico cunha pátina de soul sureño nun directo capaz de poñer ao público máis escéptico en pé. En Soul BBQ (2016) The Soul Jacket adéntrase máis aínda nos territorios ocultos da música negra de raíz, que gaña protagonismo neste último disco coa incorporación de pasaxes instrumentais cercanos ao funk e o afro-latin, con grooves hipnóticos e febrís, sen deixar de lado a sinxeleza do Rhythm&Blues e o soul sureño. The Soul Jacket é un deses directos que calquera amante da boa música debera coñecer…
http://www.facebook.com/thesouljacket http://thesouljacket.bandcamp.com13€/10€ (anticipada) (+ gastos) Puntos de venda:
Ticketea, Riquela, A Reixa Tenda Entradas
Comparte! Son Estrella Galicia | Presentación do disco "Soul BBQ" | Apertura portas 20.00h
