Sonny Smith é un dos escritores, compositores e cantantes máis interesantes da Bay Area de San Francisco. Desde 2007, o seu carácter polifacético canalizouse no musical a través de Sonny & The Sunsets, banda na que se rodeou de Kelly Stoltz e membros de The Fresh & Onlys e Thee Oh Sees. Cancións como “Too Young To Burn” bastáronlle a Sonny e as súas Sunsets para facerse un oco nese podio de pop retro que capitanean M. Ward e Cass McCombs. As súas composicións, vindas doutra época, picotean de Buddy Hollie e os Modern Lovers, do rock dos cincuenta e o pop caramelizado dos sesenta.

No seu haber contan con dez álbums publicados, Tomorrow Is Alright (2010), Hit After Hit (2011), Longtime Companion (2012), Antenna to the Afterworld (2013), Talent Night at the Ashram (2015), Moods Baby Moods (2016), Sees All Knows All (2016) ou Rod for Your Love (2018); ademais dos dous últimos, que presentará na súa xira española: Hairdressers From Heaven (2019) e New Day With New Possibilities (2021), gravados xusto antes e xusto despois da pandemia.

Todos eles discos cheos de pop asollado con sabor anello e de escoita agradecida, mesturados cun pouquiño de rythm & blues, swing, doo-woop, psicodelia sesenteira, bonitas melodías, asubíos, palmas e xogos vocais de baixa fidelidade, onde todo flúe con tranquilidade e bo humor, e cada tema soa fresco e adictivo.