#49
SEÑORES
Sábado 18/3/2017 21:00

Ao observar meticulosamente o mapa xenético de SEÑORES atopámonos cunha cartografía artística tan recoñecible como estimulante que remite a unha tradición fortemente arraigada. O código estético que conduce cada movemento do cuarteto bilbaíno, e lle imprime carácter, combina trazos do indie-rock, o punk e o hardcore para materializarse en partituras que son pura fibra. Señores non deixou de crecer nos seus cinco anos de vida. O seu primeiro álbum, Curso práctico de autoestima, publicado en 2013, descubriunos un grupo alleo aos lugares comúns do festi-pop contemporáneo. Señores aposta por guitarreo e melodía subscribindo os usos e as costumes do rock independente clásico-clásico, pero con amplitude de miras e moito fondo de armario argumental. Durante os seguintes anos sumaron incontables concertos, actuaron en boa parte dos festivais de referencia e participaron no circuíto Girando por salas.
Con La Luz, o seu recente traballo editado a finais de 2016, Señores moven fichas polo taboleiro da nosa música popular sen renunciar ao firme paso que os caracteriza. No que á composición se refire, Señores prefire subliñar nos extremos, nos posibles territorios de conflito; nalgunhas cancións soan máis pop que nunca e noutras resultan máis abrasivos, tensos e esquinados que de costume. Salienta o seu compromiso cos textos, máis concisos que en anteriores entregas, pero tamén máis elocuentes, nos que fixan a mirada nas vergoñas da Vella Europa, da sociedade de consumo ou da desastrosa anestesia normativa que rexe o noo día a día, sen perder un sentido do humor sempre procedente e varias piscadelas á cultura pop. “Dende a súa brumosa portada, La luz envía sinales a primeira vista. Señores saben que lonxe do foco, nas zonas de sombra e, sobre todo, nas de penumbra, tamén se libran batallas que paga a pena contar…”.

https://sres.bandcamp.com/ https://www.facebook.com/jaunak
#49 SEÑORES Sábado 18/3/2017 21:00
10€/8€ (anticipada) (+ gastos) Puntos de venda:
Riquela, A Reixa Tenda, Ticketea Entradas
Comparte! Presentación do disco "La Luz" | Apertura portas 20.00h
#138
Domingo 12/6/2022 21:00

O meu nome é Ryder The Eagle. Nacín baixo o signo de Cáncer no sur de Francia e coma os planetas predixeron, adiquei o comezo da miña vida a etopar o amor verdadeiro. Dous EPs, un matrimonio e un divorcio despois, embarqueime nun "Follymoon", unha especie de lúa de mel incandescente na que a soidade atópase coa liberdade. Viaxei polos Estados Unidos no autobús Greyhound, arrastrando o meu micrófono polas beirarrúas, cruces, comedores e semáforos. Pasei dous anos en Londres traballando nas miñ[…]

#138 Ryder The Eagle Domingo 12/6/2022 21:00
5€
#137
Xoves 7/7/2022 21:00

Creador de cancións e escultor de instrumentos. Cantante de contos que viaxa internacionalmente. Estudante de bioloxía molecular. Creiado en Lubbock e Texas Hill Country, Noel McKay é un compositor/artista cuxas cancións teno levado polos Estados Unidos e arredor do mundo.
En 1993 foi descuberto pola lenda da composición Guy Clark mentres interpretaba as súas cancións en Kerrville, Texas. A titoria de Clark ten sido unha compoñente cclave do éxito de Noel, co cancións grabadas por Guy, […]

#137 Noel McKay Xoves 7/7/2022 21:00
5€
#136
Venres 20/5/2022 21:00

Co furabolos moi limpo, Néboa xa pasou a xema polas marxes que semellaban delimitar a distancia entre a indietrónica, a música tradicional galega, a poesía elíptica, o jazz de vodevil, o pop alternativo, a extimidade da canción de autor e a idea dun pop internacionalista; e con todo o po que ficou apegado ó dedo, construíron un castelo sonoro que é, ó tempo, unha pequena casiña en metade dunha aldea e un rañaceos infinito.

#136 Néboa Venres 20/5/2022 21:00
10€ Entradas
#135
Domingo 5/6/2022 21:00

Conta o guitarrista galego que comezou a tocar jazz tradicional de Nova Orleans tras visitar aquela cidade por primeira vez en 2015, convidado polo trompetista Will Smith (compoñente da Preservation Hall Jazz Band) e o percusionista Kerry Hunter (Dirty Dozen Jazz Band, The New Orleans Nightcrawlers) e namorarse do son dese estilo de música. Desde entón leva vivindo a cabalo entre Luisiana e España, tocando co seu proxecto en locais do French Quarter (o coñecido Barrio Francés de Nova Orleans[…]

#135 Carlos Childe Domingo 5/6/2022 21:00
10€/8€ anticipada
#134
Xoves 9/6/2022 21:00

A palabra toma corpo na voz do poeta Samuel Merino (Pompa e Boato) nun recital no que os versos bailan coa música de Fernán Permuy e as súas composicións e versións a ritmo de Bossa, Jazz e Surf.
Por momentos, música que envolve os poemas para regalo.
Por momentos, poemas nus, sen ornamentos e para tomar en cru.

No seu conxunto, un recital-concerto que fai un percorrido pola obra do poeta mosense en total consonancia harmónica cos acordes do músico de Neda..

Non e[…]

#134 Pompa e Boato & Fernán Permuy Xoves 9/6/2022 21:00
9€ Entradas
#133
Sábado 2/7/2022 21:30

Falar de Soleá Morente é dicir moitas cousas en poucas palabras. É falar dunha das familias máis importantes a nivel cultural neste país, a que montaron o innovador cantaor falmenco granadino Enrique Morente e a bailaora Aurora Carbonell. De aí xurdiu unha estirpe que ensanchou os límites da creatividade en innumerables campos, e non nos trabucamos se dicimos que Soleá é a máis versátil, a máis camaleónica, a máis rompedora.

#133 Soleá Morente Sábado 2/7/2022 21:30
18€/15€ anticipada Entradas
Anterior Siguiente