RATKO ZJACA guitarra
TON RISCO vibráfono acústico e eléctrico

A colaboración entre dous salientables artistas como o croata RATKO ZJACA e o galego TON RISCO, nunha sen par combinación de guitarra e vibráfono, da como froito un resultado contundente en termos de son e arranxos. O concepto rítmico, as texturas e o espazo toman un cariz singular propio dunha formación de mínimos. A forza das composicións orixinais, a combinación do son acústico e eléctrico e a paixón de ambos músicos xeneran un tipo de concerto accesible a todo tipo de público e sen precedente en España como poderemos comprobar nesta noite especial de jazz en Riquela Club o mércores 19 de abril.

RATKO ZJACA é un músico innovador amplamente recoñecido como un guitarrista tecnicamente avanzado. Coñecido por ser un individualista implacable, o que se evidencia no seu estilo de improvisación, atesoura unha historia extensa como guitarrista de sesión. Ratko Zjaz é un músico moi versátil que abrangue moitas áreas de música, pero é particularmente nomeado polo seu traballo no jazz moderno e o seu idioma improvisatorio. Nado en Croacia, axiña o atraiu o son da guitarra, sons subversivos como os producidos por Jimi Hendrix e sons de clásicos como Bach e Beethoven. Formouse na Universidade de Zagreb e, máis tarde, no Conservatorio de Rotterdam, centros con reputación polos seus estudos de música moderna e onde asistiu a clases maxistrais e cursos persoais con Joe Pass, Jim Hall, Pat Metheny, Mick Goodrick, Mike Stern, Bob Brookmayer, John Abercrombie, etc. Tras completar os seus estudos en Rotterdam, trasladouse á Universidade de Nova York School of Music, e nesta cidade comeza a traballar co seu propio grupo e co veterano trompetista americano Benny Bailey. Ten gravado e tocado con Randy Brecker, Gary Peacock, Reggie Workman, John Pattituci, Al Foster, Steve Gadd, Miroslav Vitous, Ron Carter, Jimmy Cobb, Jeff Tain Watts, Alvin Queen, Adam Nussbaum, Shawnn Monteiro, entre outros. En 2000 Ratko gravou A Day in Manhattan coas estrelas do jazz Reggie Workman e Al Foster. Na actualidade está compoñendo música para os seu novo proxecto xunto ao acordeonista italiano Simone Zanchini, Adam Nussbaum e Martin Gjakonovski

Nado en Ourense en 1979, TON RISCO trasládouse en 1999 a Holanda para licenciarse en percusión clásica e vibráfono jazz no Real Conservatorio da Haia, onde estuda co vibrafonista Frits Landesbergen, co percusionista senegalés Ali N’Diaye Rose e con percusionistas de música contemporánea como Wim Vos, traballando ademais directamente con compositores e directores coma Steve Reich, György Kurtág ou Reinbert de Leeuw. Tamén recibíu clases de Joe Locke (New York), Dave Samuels e Tony Micelli (Delaware University, New Jersey) e David Friedman (Berlín). Aínda que leva anos centrado no vibráfono, Ton Risco sempre foi batería e percusionista. Formado en música clásica e jazz, o seu carácter ecléctico lévao a colaborar cunha grande variedade de artistas entre os que salientan a Metropole Orkest (Ámsterdam), Vince Mendoza, Kenny Werner, Andreas Prittwitz, Paul Hillier and Theatre of Voices, Orquestra de Jazz de Galicia, Orquestra Sinfónica de Galicia, Cristina Pato, X. Manuel Budiño, Roberto Somoza, Paco Charlín, Víctor Prieto Trío, LAR Legido, Marcos Pin Factor E-Reset, Jacobo de Miguel, etc., participando en festivais como Zeltsman Marimba Festival (Wisconsin), Holland Festival, Steve Reich Festival ou Tai Pei International Percussion Convention (Taiwán), etc. Con tres discos baixo o seu nome, nos últimos anos centra a súa actividade na música improvisada, como vibrafonista e batería, compaxinanado a súa faciana de músico freelance coa docencia no Conservatorio Profesional de Santiago de Compostela.