PABLO SEOANE teclado
JOSÉ MANUEL DÍAZ contrabaixo

Nado en Ferrol en 1968, PABLO SEOANE desenvolve dende hai máis de quince anos unha intensa actividade como pianista e compositor en distintas formacións, xeralmente vencelladas ao jazz e á improvisación libre, dentro e fóra de Galicia. Ten composto música para teatro e levado a cabo tarefas docentes en diversas institucións. Entre as súas últimas actividades figuran a xestión das jams-sessions semanais de improvisación libre no Café El Puente (Santiago de Compostela) e a codirección duns multidisciplinares Encontros de Filosofía e Música. Pensar a voces celebradas en Cee. No eido da literatura, ten traducido ao castelán The Hothouse de Harold Pinter e, ao galego, Rough for Radio de Samuel Beckett, Civil Disobedience de H. D. Thoreau e Le Bestiaire de Guillaume Apollinaire. O seu último traballo discográfico co Pablo Seoane Trío, titulado Inópia, publicouse en 2014, ano en que tamén presentou dentro das Xornadas de Música Contemporánea de Santiago a obra Festas do Erro. En 2015 estreou Bestiario traído (Apollinaire, Poulenc, Dufy), escrito para soprano, piano, contrabaixo, zanfona e artes visuais, e Fritz, un proxecto aínda
en formación para piano só, texto e imaxe. En 2016 presentou xunto á bailarina e coreógrafa Begoña Cuquejo na Igrexa da Universidade, no marco do Ciclo de Órgano de Santiago de Compostela, a obra para órgano e danza Ventanía. Na actualidade prepara a gravación dun novo disco a dúo co contrabaixista José Manuel Díaz.

JOSÉ MANUEL DÍAZ naceu en Matanzas (Cuba) en 1980. Mentres estudaba na Escuela Nacional de Arte en La Habana tivo o seu primeiro contacto coas diferentes músicas do seu país, e en especial o jazz. Durante este periodo compartíu escenario e gravou discos con diferentes artistas como Frank Delgado, Camerata Romeu, Liuva María Hevia, etc. En 2001 ingresou no Instituto Nacional de Arte (Universidad de las Artes de Cuba), unha etapa na que continúa conxugando o estudo co traballo profesional e forma parte de diferentes agrupaciós cubanas como Habana Casino (salsa), Sexto Sentido (pop-jazz), Arnaldo y su Talisman (música caribeña), Son del nene (son Cubano e música tradicional), Alejandro Vargas Quartet (jazz latino) ou Ernesto Camilo (jazz latino). Con estas agrupaciones actuou en diferentes festivais e realizou xiras internacionais entre os que cómpre salientar o Festival de Jazz de Ecuador, Carnaval de Cuba en Londres, Festival de Jazz de La Habana, Mercado Cultural Sao Paulo/Bahia, Festival de Jazz de Noruega, Festival de Sines, Casa da Música de Porto (compartindo escenario con Chucho Valdés e Irakere). En 2009 trasládase a vivir a Galicia, onde ten colaborado en concertos e gravacións con artistas e grupos como Marful, Guadi Galego, Uxia Senlle, Ugia Pedreira, Xavier Díaz, Virxilio da Silva, Marcos Teira, Os Cempés, Linho do Cuco, Fred Martins, Pablo Seoane Trío, Felipe Villar Trío, Coralie Quartet, etc. Actualmente prepara o primeiro disco da súa propia formación.