Os Amigos dos Músicos presentan o 17 de febreiro en Riquela Club o seu álbum de debut: un conxunto de cancións nas que xuntan o propio co alleo, a tradición local coa contemporaneidade doutras latitudes e lonxitudes. A banda, que sempre buscou referentes na canción popular galega, establece con este disco un compás para dirixirse en tal singradura. Así, as coordenadas que, dun xeito simbólico máis tamén obxectivo, marcan Curros Enríquez, Suso Vaamonde, Manuel María e Luís Emilio Batallán son o risón que permite pararse e levantar a vista, mais só para proseguir a viaxe cos ollos no mundo enteiro. Unha mostra deste ánimo de descuberta son os seus concertos, nos que Os Amigos dos Músicos presentan o seu amplo rexistro musical a través da sutileza dos cambios de dinámica e a mestura das distintas voces que componen a banda nunha marmita na que todos os elementos coceron a lume lento para dar lugar a un material de onte, de hoxe, de aquí e de acolá…
Este disco de debut de Os Amigos dos Músicos foi elexido pola revista Mondosonoro como o mellor álbum editado en Galicia en 2016, ademáis de declaralo disco do mes en xaneiro e o 5º mellor álbum de folk/americana a nivel estatal. A prensa especializada tamén dixo: “El resultado posee una lógica interna demoledora, plagado de honestidad y autenticidad (El Mundo); “Estamos ante un gran disco. Un auténtico clásico contemporáneo de la música gallega” (Rockdelux) ou “Una de las piezas clave del folk-pop gallego” (Ruta 66).
https://open.spotify.com/album/3Nz0qKwOMWuByQQ3XevZ9U https://es-es.facebook.com/osamigosdosmusicos/
10 € / 8 € (anticipada) (+ gastos) Puntos de venda:
Riquela, A Reixa Tenda, Ticketea Entradas
Comparte! Presentación do disco "Os Amigos dos Músicos" | Apertura portas 20:00h
