Inmersa na preparación do seu novo proxecto discográfico, Nastasia Zürcher convocanos para despedir a súa xira e actuacións da seu primeiro longa duración, My Flight, cun concerto en Riquela Club o venres 9 de xuño. A nova cantante e compositora Nastasia Zürcher foi gañadora do Premio Martín Códax da Música 2016 na categoría de Blues, Funk & Soul grazas a este álbum de debut que mereceu comentarios como “un dos debuts máis emocionantes do ano no noso país” ou “exquisito para os oídos”. Composto entre Madrid e Galicia, My Flight conxuga estilos e sonoridades nunha fusión de neo beat soul, pop vocal de autor, world music e nujazz, interpretados dende a personalidade vocal de Nastasia Zürcher. Ecléctico, atrevido e, sobre todo, moi auténtico, en My Flight Nastasia Zürcher aporta frescura e sentimento sobre unha base de liberdade creativa coa que trata cuestión universais e reflexións sensoriais musicalizadas en cativantes estribillos e intensas letras. Narci Rodríguez (beatbox e guitarras) e Adrían Saavedra (teclados) completan a formación Nastasia Zürcher Beat Trío coa que a artista suizo-galega se presenta directo.
http://www.nastasiazurcher.com https://www.facebook.com/nastasiazurcherofficial
10€/8€ (anticipada)
(+ gastos) Puntos de venda:
A Reixa Tenda, Riquela
Comparte!
