MOJO EXPERIENCE é unha nova banda compostelana de blues e soul nada da fusión dos distintos estilos e traxectorias artísticas de seis músicos que contribúen a definir un estilo propio cheo de personalidade. O seu directo caracterízase por unha potente posta en escena, chea de enerxía, que contaxia rápidamente ao público; pero Mojo Experiente tamén achegan máxicos momentos de intimidade como só un bo conxunto de blues sabe facer. Teñen participado no festival Feito a Mán 2016 e na inauguración do Centro Xove da Almáciga (novo espazo de creación cultural da súa cidade) e son grupo residente no Embora Bar. Diego Negro (voz), Guillermo Vistoso (guitarra), Katia del Río (teclado), Alejandro Castiñeiras (baixo), Roque Mosquera (batería) e Pau Castiñeira (coros) forman Mojo Experience e recoñecen a Tina Turner, BB King, The Allman Brothers, Eric Clapton ou Ray Charles entre as súas influencias. Mojo Experience foi recentemente un dos gañadores das audiciones Outra + Outra 2016 e, como resultado deste galardón, é inminente a publicación do seu primeiro EP, gravado nos Estudos Mans de A Coruña e cuxos temas poderemos escoitar neste primeiro concerto de Mojo Experience en Riquela Club.
https://www.facebook.com/mojo.experience/ https://mojoexperience.bandcamp.com
5€
¡Comparte! Riquela Rhythm & Blues | Apertura de portas 20.00h