Escribíronse del grandes louvanzas e foi ascendendo do estatus de descoñecido absoluto ó de figura emerxente de moda co seu primeiro disco, de aí á icona de culto co segundo, despois de artista consilidado co terceiro, en 2008, e finalmente ó de referente xeracional para unha amplia minoría. Trascendeu os límites da escena alternativa, sen perder a súa aura emblemática nese mundo, para calar sen problemas no mainstream receptivo coas anomalías. Oriundo de Memphis pero residente en Abilene, Texas, dende moi novo móvese pola herdanza do folk-rock clásico tamizada co seu xeito de entender a anguria e a calma da súa xeración. A súa biografía goza de episodios intransferibles e foi escrita dende o lado salvaxe da adolescencia estadounidense, salpicada de estancias en prisión e relacións dificis cos estupefacientes, o amor e a saúde. De aí emana o carácter catártico das súas composicións, que absorberon a dor que soportou para rehabilitarse e deixar iso atrás e, a partir de 2008, a tranquilidade de quen superou o trance. De aí tamén procede a compoñente redentora dos seus directos. Na primavera de 2014 publicou o seu séptimo LP "Micha P. Hinson & The Nothing", un disco no que tras a recopilación de rarezas "Micah P. Hinson And The Junior Arts Collective" de 20102, distribuida coa revista Rockdelux, o de Memphis xira cara sonoridades propias do porche dianteiro dunha granza pouco transitada, con ambientacións adaptadas a unha hipotética segunda parte de "O Brother". En 2015 realizou a xira décimo aniversario do seu álbum de debut "Micah P. Hinson And The Gospel Of Progress", unha obra que deslumbrou no seu díae que mantén toda a súa vixencia. Tamén o ano pasado, no mes de maio publicou o disco "Broken Arrows", casi por enteiro instrumental, entre a psicodelia e o son western, que firmou conxuntamente co seu amigo e colaborador T. Nicholas Phelps. Nos próximos meses ten previsto publicar un novo álbum.
http://www.micahphinson.com/
SOLD OUT
18€/15€ (anticipada) Entradas
¡Comparte! Presentación do disco "Broken Arrows". Apertura portas 21.30h
