Banda formada na Coruña en 2010 por Marian Ledesma (voz), Nacho Martín (contrabaixo) e Guillermo A. Crespo (guitarra), empezaron a formar o seu repertorio con clásicos do rockabilly e homenaxeando aos seus ídolos Gene Vincent, Janis Martin, Wanda Jackson, Carl Perkins, etc. Axiña ten lugar a incorporación de Víctor Sánchez no saxo e Santi Roma na batería e, a clara inclinación cara o jazz e o blues da cantante Marian Ledesma, fai virar o seu repertorio ó jive, o rhythm & blues e os sons máis puros de finais dos 40 e principios dos 50, mesturando no seu repertorio a Ruth Brown con Tinny Bradshaw ou LaVern Baker e intercalando temas de creación propia. Con eles pechamos os Seráns en Feixóo deste 2017.
Organizados por dous locais míticos do Casco Vello compostelán que case non necesitan presentación, como A Borriquita de Belén e o Modus Vivendi, e por un recén chegado ao barrio como é o novo Riquela Club, que en menos dun ano xa se está a converter nunha das referencias do histórico centro de Compostela, nacen os SERÁNS EN FEIXÓO que, tras o éxito da convocatoria no mes de xullo, quere ofrecer 3 concertos máis neste mes de setembro antes de que chegue a choiva na fermosa e escenográfica Praza de Feixóo, en cuxas proximidades ben conviven estes tres activos locais que teñen en común o seu amor pola cidade e o compromiso coa música e a cultura.
--
Calendario Seráns en Feixóo (setembro 2017):
ES UN ÁRBOL - martes 12 setembro
THE FABULOUS RESACA BROTHERS - mércores 27 setembro
MAY THAI & LOS TORINO ROCKETS - venres 29 setembro
Seráns en Feixoo
De balde
(+ gastos) Puntos de venda:
Comparte! A Coruña, swing-jig / rhythm&blues | organizan: Modus Vivendi, Riquela e Borriquita de Belém
