Mallou son Benxa e Sabela.
Benjamín Vázquez nace nunha casa chea de música. Dende moi pequeno somérxese na colección de discos de seu pai, gran melómano, onde predominaba a música americana: blues, jazz, gospel, country, rock & roll, soul, funk e moito rock clásico. Mais tamén había moitas músicas do mundo: cubana, mexicana, reggae e africana, entre outras.
Ademais, na casa tiñan unha vella guitarra española, coa que xogou durante anos a improvisar melodías por riba dos seus discos favoritos.
Máis tarde, estuda maxisterio musical en Santiago de Compostela. Alí descobre moitos grupos e músicos que foron importantes fontes de inspiración para os seus futuros proxectos. Ó longo deses anos formou conxuntamente cos seus compañeiros: The Lákazans, Andhrea & The Black Cats, Sabela King & The Heartbreakers, Mallou , e Marta e Benxa.
Sabela comeza en modestas jams nun pequeno local de Santiago de Compostela xunto a varios músicos cos que, un ano máis tarde, formará grupo. No 2012 fórmase The Lakazans, banda coa que conquistarán as salas galegas a ritmo de blues, soul e country americano. É nesta formación na que comeza a facer os seus primeiros pasos de compositora e letrista, dando melodía e vida a varias composicións, comezando en coautoría cos guitarristas da banda.
Temas como o rockabilly "Don't Give that Jazz", o poderoso "Queen Of the Dirt", ou a balada soul "Need Me" que pecha o primeiro traballo da banda, Homegrown.
No 2017 Sabela comeza a tocar o ukelele de forma autodidacta e a compoñer os seus propios temas e que formarán parte do repertorio das varias bandas ás que pertence.
No 2019 forma, xunto a Benjamín Vázquez, o dúo Mallou, que nace da homenaxe á música tradicional galega e ao seu avó, Juan Belo Mallou, gaiteiro maior de Galicia. Levando as músicas tradicionais a terreos máis intimistas onde a voz e a guitarra toman protagonismo absoluto.
HOLANOLA
15€ / 12€ anticipada. Abono HOLANOLA 30€
(+ gastos) Puntos de venda:
A Reixa Tenda e Riquela Club
Comparte! HOLANOLA FESTIVAL. Tradicional, flamenco, New Orleans
