HÉCTOR AGULLA batería
VIRXILIO DA SILVA guitarra
WILFRIED WILDE guitarra
FELIX BARTH contrabaixo
O terceiro concerto de RIQUELA JAZZ / DELEITE AO VIVO será a presentación en sociedade de LOIROS, o novo proxecto do baterista Héctor Agulla e do guitarrista Virxilio da Silva, que nesta oportunidade deixan a un lado a tradición máis arraigada do jazz e mergúllanse nunha mestura que vai dos clásicos impresionistas a melodías pop. LOIROS comeza a súa andaina con cancións compostas conxuntamente que xorden da posta en común do imaxinario musical destes dous artistas inquedos e recoñecidos músicos de jazz galegos, Héctor Agulla e Virxilio da Silva, permeables a influencias tan dispares como Nick Drake, Tame Impala, Björk, Reinier Bass, Brad Mehldau, Debussy, Incubus, etc.
O batería Héctor Agulla (Vigo, 1985) e o guitarrista Virxilio da Silva (Portonovo, 1984) caracterízanse pola súa versatilidade, que demostran como líderes dos seus proxectos jazzísticos e nos seus grupos de diferentes estilos: Why Go, Foxy Freire, Steel Sheep ou Known Inmortal Trio. Héctor Agulla e Virxilio da Silva están acompañados neste novo proxecto creativo polo guitarrista francés Wilfried Wilde (Aquitania, 1988) e polo contrabaixista alemán Felix Barth (Gotinga, 1990).
5€ (+ gastos) Puntos de venda:
Riquela
Comparte! Riquela Jazz | Deleite ao vivo | Consumición mínima incluida na entrada | Apertura portas 19.30h
