#101
KAMANKOLA
Martes 27/6/2017 20:30
Seráns en Feixóo

KAMANKOLA guitarra / voz

A música de Kamankola, artista cubano que mestura o rap coa canción, é unha fusión de xéneros tanto cubanos como de outros lugares do mundo que van dende a rumba ao jazz e do rock & roll ao guaguancó. Kamankola ten editado dous discos, Antes de que lo prohiban, para o programa Peligrosamente Juntos de Radio3 (RNE) un dos discos do ano, e o máis recente Hasta precisar el aire. Kamankola ten compartido escenario con innumerables artistas internacionais como Joaquin Sabina, Javier Ruibal ou Amparo Sánchez (España), Perrozompopo (Nicaragua), Francisco Fatorusso (Uruguay), Tony Avila, David Torrens ou Habana Abierta (Cuba), etc., e tocado en prestixiosos festivais e salas de concerto, realizando xiras por países como Bélxica, Francia, Suiza, España, México, Nicaragua, Arxentina, Uruguai, etc. “Unha voz libre, contemporánea, acorde coa Cuba do novo milenio”, afirma a prensa especializada que tamén dixo de Kamankola que “o seu son namora, atrapa; ten alma, corazón e unha forma persoal de transmitir. A súa música e as súas letras son impecables” ou “un creador excepcional, capaz de recoller a tradición dos trovadores e repentistas cubanos para transformarla en rap”.

------------------

Organizados por dous locais míticos do Casco Vello compostelán que case non necesitan presentación, como A Borriquita de Belén e o Modus Vivendi, e por un recén chegado ao barrio como é o novo Riquela Club, que en menos dun ano xa se está a converter nunha das referencias do histórico centro de Compostela, nacen os SERÁNS EN FEIXÓO. En pouco máis de tres semanas, entre o 27 de xuño e o 20 de xullo, a fermosa e escenográfica Praza de Feixóo, en cuxas proximidades ben conviven estes tres activos locais que teñen en común o seu amor pola cidade e o compromiso coa música e a cultura, servirá de escenario para nove concertos, e un mercadiño solidario a beneficio da ONG libanesa BeFriend Me. Como non podería ser doutro xeito, esta programación de Seráns en Feixóo servirá de escaparate a unha suxestiva e variada selección de bandas locais e galegas que están a traballar con moita seriedade e son reflexo do gran talento que atesouran os nosos músicos. A eles se suma o reputado cantante e guitarrista cubano Kamankola que nestas datas estará visitando Galicia. Teremos rock, blues, boleros, tangos, fusión, jazz en moi diferentes e enriquecedoras propostas, flamenco, etc.

Abre os Seráns en Feixóo KAMANKOLA cun concerto o martes 27 de xuño no que teremos a oportunidade de gozar da inspirada fusión de xéneros que explora este guitarrista e cantante cubano. O segundo concerto o protagonizan os composteláns NOE BLACK & THE BANG BAND e o seu rock & roll dos anos cincuenta (venres 30 de xuño). As seguintes citas serán co flamenco sentido e emocionante de TACÓN GITANO na compañía de luxo do guitarrista de orixe gaditano MIGUEL FLORES (martes 4 de xullo) e co divertido blues canalla dos THE FABULOUS RESACA BROTHERS (venres 7 de xullo). O luns 10 de xullo será a vez de MAD MARTIN TRIO co seu impactante xeito de facer rockabilly e rock & roll. Tres singulares, brillantes e variadas propostas en torno ao mundo do jazz chegarán coa presenza do TATO TRÍO (soul-jazz) o martes 11 de xullo, do XAN CAMPOS ESD (jazz-rock) o venres 14 de xullo e de MONKILLOS (coa premisa “de como soaría Thelonious Monk por bulerías, rumba, bolero ou guajira…” explican este trío galego o seu proxecto musical) o luns 17 de xullo. O peche destes Seráns en Feixóo o xoves 20 de xullo correrá a cargo de DOS BALAZOS SONARON, novo dúo formado Sábela King e Néstor Pardo, dous artistas de forte persoalidade, contrastado talento e gran presenza escénica que se xuntan por primeira vez para achegarnos o seu modo de ver un repertorio de xéneros populares como os boleros, os tangos, as rancheras, etc.

Calendario Seráns en Feixóo:
KAMANKOLA - martes 27 xuño
NOE BLACK & THE BANG BAND - venres 30 xuño
TACÓN GITANO & MIGUEL FLORES - martes 4 xullo
THE FABULOUS RESACA BROTHERS - venres 7 xullo
MAD MARTIN TRIO - luns 10 xullo
TATO TRÍO - martes 11 xullo
XAN CAMPOS ESD - venres 14 xullo
MONKILLOS - luns 17 xullo
DOS BALAZOS SONARON- xoves 20 xullo

https://www.facebook.com/Kamankola-616530581700871/ https://soundcloud.com/kamankola
#101 KAMANKOLA Martes 27/6/2017 20:30
Seráns en Feixóo
acceso libre e gratuito (+ gastos) Puntos de venda:

Comparte! Acceso libre e gratuito | Seráns en Feixóo | Organizan: Modus, A Borriquita de Belén, Riquela Club
#170
Venres 10/2/2023 21:00

Tras un parón de máis de catro anos sen publicar música nova, Sinestesia volve con “Na Marxe”. O disco sairá á luz o venres 3 de febreiro baixo o selo Raso Estudio. Durante estes último meses puidemos ir escoitando parte do que nos teñen preparado. Tres adiantos que formarán parte do seu próximo LP: "Na Marxe", "Nunca máis" e o último “Imaginar”, coa colaboración da artista galega Antía Muíño. O 10 de febreiro chegan a Sala Riquela presentando a súa nova colección de cancións que, sen dúbida,[…]

#170 Sinestesia Venres 10/2/2023 21:00
10€/9€ anticipada Entradas
#169
Venres 17/2/2023 21:00

Curtido na escena nacional con The Sunday Drivers, The Blackbirds, Speaklow, The Sweet Vandals, Paxaro, Aurora and The Betrayers, Adrián Costa, Los Saxos del Averno, Gran Cañón (xunto a Carlos Tarque, Leiva, Ovidi Tormo...) e recientemente con o Combo Paradiso, Maeso, como artista en solitario publicou tres discos para Sony Music, adicando 20 anos a virar por Festivais de medio mundo.

Requirido como organista por M-Clan, Quique González, Jorge Pardo, Bob Sands Big Band e á súa vez por […]

#169 Julián Maeso & The B-Siders Venres 17/2/2023 21:00
20€/15€ anticipada
#168
Xoves 23/2/2023 21:00

Willie & Winnie abarca diversos xéneros como o jazz, o ambient, a música electrónica e o folk americano, é coñecido polas súas baladas sombrías con arranxos sofisticados. En xaneiro do 2020 lanzan "You & I". Un álbum escuro e emotivo que conquista polo seu carácter outonal recollido en ondas de sintetizador, na calidez da guitarra acústica e, sobre todo, nas voces, as auténticas protagonistas da súa proposta. Para a gravación do disco, producido e mesturado por Arturo Vaqueiro (ex Humanoid), […]

#168 Willie e Winnie Xoves 23/2/2023 21:00
5€
#167
Venres 3/2/2023 23:30

Os venres e sábados a partir das 23.30h. Entrada libre

FEBREIRO
Venres 3 - DJ FUNKMENTE , LISBOA - https://www.instagram.com/funkamente/
Venres 10 - DJ EL HOMBRE VIL, COMPOSTELA - https://www.instagram.com/elhombrevil/
Sábado 11 - DJ NANEIN , COMPOSTELA - https://www.instagram.com/nano_nanein/
Sábado 18 - DJ MAEFIELD , VILAGARCÍA - https://www.instagram.com/maefield.gal/
Venres 24 - DJ ABELISION , COMPOSTELA - https://www.instagram.com/abelvisiondj/
[…]

#167 Pinchadas e DJs Venres 3/2/2023 23:30
Entrada gratuita
#166
Martes 7/2/2023 22:00
OS MARTES

La Fábrica de Impro é o show de comedia improvisada máis incrible que viches xamais. Se non coñeces a impro debes saber que todo se realiza sobre a marcha e no mesmo momento, a partir das propostas do público que asiste ese día á función. Personaxes, situacións ou historias son inventadas sobre o escenario en directo.

Cada espectador, ao entrar na sala, recibirá unha tarxeta e escribirá nela a frase que queira. Todos os espectadores botarán as súas tarxetas a un chapeu ao pé do escenar[…]

#166 La Fábrica de Impro Martes 7/2/2023 22:00
OS MARTES
7.50€ Entradas
#165
Mércores 22/2/2023 21:00

Manu Sija é un mozo multi-instrumentista arxentino de Tucumán que combina con éxito a improvisación coas linguaxes folclóricas latinos, entregando dun xeito moi singular os arranxos orixinais das súas propias cancións, así coma versións coidadosamente reinventadas. A súa paleta colorea composicións de artistas icónicos como Violeta Parra e Atahualpa Yupanqui, con tratamentos de jazz que nunca deixan atrás a súa verdadeira interpretación folclórica da música.

Con 4 álbumes publicados e[…]

#165 Manu Sija Mércores 22/2/2023 21:00
8€
Anterior Siguiente