Tratándose de JULIÁN MAESO, unha auténtica enciclopedia do rock, falar de ampliación do catálogo de ritmos, sons e matices son palabras maiores. Pero iso é precisamente o que se agocha entre as apaixonadas cancións de Somewhere Somehow, o terceiro álbum en solitario do ex de The Sunday Drivers, que disecciona a historia do xénero en cada unha das súas intervencións, xa sexa discográfica ou interpretativa; neste caso é en forma dun novo álbum, o primeiro como artista de Sony Music, que presenta en Riquela Club o 17 de marzo. O concerto de Julián Maeso está enmarcado na colaboración de programación entre DELEITE AO VIVO e o ciclo RIQUELA Rhythm & BLUES.
En Somewhere somehow Julián Maeso entrégase ao seu instinto salvaxe de entusiasta do rock para completar unha obra excitante e conmovedora. Deixase a alma nas 11 cancións que o compoñen, cada unha distinta da outra, diferentes incluso entre o seu punto de partida e o de chegada, invitando ao ouvinte a converterse en protagonista dunha viaxe por cores e sons na que se coñece a orixe, pero nunca o destino. Os cimentos da música do toledano seguen asentados no soul e no rock dos anos setenta, pero o abanico das súas fontes se expande ao funk, ao country ou incluso ao jazz, ata completar o máis variado dos seus tres discos.
Somewhere Somehow toma o relevo do gran One way ticket to Saturn, o álbum de 2014 que relanzou a súa carreira e co que conquistou a público e prensa especializada. Medios como Ruta 66 ou Rolling Stone o situaron entre os mellores do ano. Curtido na escena do rock tamén en grupos como The Blackbirds, Speaklow, The Sweet Vandals, Aurora & The Betrayers, Pájaro, Los Labios, etc., Julián Maeso foi músico en xiras de M-Clan ou Quique González e puxo o seu talento dende o seu órgano Hammond ao servizo de grandes divas do soul como Irma Thomas, Betty Harris ou Martha High. Tamén tocou para Ken Stringfellow, Taylor McFerrin ou The New Master Sounds, ademais de telonear a grandes como Jakob Dylan, Paul Weller, Iggy Pop, The James Taylor Quartet, Maceo Parker ou Neneh Cherry. A carreira en solitario de Julián Maeso iniciouse en 2012 co dobre álbum Dreams are gone e agora lanza o seu terceiro disco en plena expansión do seu talento.
http://www.julianmaeso.com https://www.facebook.com/julimaeso/
15€/12€ (anticipada) (+ gastos) Puntos de venda:
Riquela, A Reixa Tenda, Ticketea Entradas
Comparte! DELEITE AO VIVO | RIQUELA Rhythm & BLUES | Presentación do disco "Somewhere Somehow" | Apertura de portas 20.00h
