Os vigueses JAY presentan o seu último disco en Riquela Club o xoves 18 de maio nun concerto triple no que estarán secundados por dúas bandas composteláns, os PUMA PUMKU (outra banda do mesmo selo discográfico galego Matapadre) e OH AYATOLLAH.

Tras Vacaciones en Vietnam (Discos Humeantes, 2013) e Los colegas no te olvidan (Discos Humeantes, 2015), a banda viguesa Jay ofrecen no seu terceiro disco, Fuimos nosotros (Matapadre, 2017), un elaborado traballo que os leva moito máis lonxe. Aglutinando as súas variadas experiencias e paixóns, neste disco atopamos flamenco, hip hop, destellos tropicais, noise, kosmiche, dub, punk, moito pop, sampleos luminosos, palmas e tradición. Combinacións que poderían resultar imposibles pero soan certeiras e máis Jay que nunca, sempre desafiantes e felinos. Fuimos nosotros é un álbum rico en arranxos e sons, onde claramente apostaron polas ideas e a aventura, ao mesmo tempo que reafirman o seu lugar e carácter xenuino. O deixan ben claro: “fuimos nosotros”. Toda esta conxunción resulta poderosa, non apta para aburridos, retrógrados e amantes do obvio. E ademais pódese cantar e bailar. Fuimos nosotros contén letras sensibles e poéticas que ao mesmo tiempo supuran cruda realidad, Jay despregan a súa maxia. Baixos pesados cheos de flow, samplers, teclados imaxinativos, guitarras envolventes, frautas, saxos, beats endiañados e ritmos súper sólidos. Fuimos Nosotros constitúe unha experiencia sónica audaz e alucinante, onde Jay exhalan un novo álbum refulxente.

Moito, e moi ben, leva falándose durante este ultimo ano sobre Puma Pumku. Un nome tras o que se refuxian Amadeo Varela, Guillermo Cavero “Pamper”, Francisco Varela, Óscar Raña “Pulpo” e Álvaro Dosil “Coque”, cinco amigos que, tras ter tocado en diversas formacións, uniron os seus camiños ao través dunha personalísima visión da psicodelia, o dream pop, o space rock e a música experimental. A principios de 2014, mentres se curten con concertos por toda Galicia e Portugal, gravan o seu primeiro álbum con Roberto Mallo e Rodrigo Caamaño (Triangulo de Amor Bizarro), encaixando así as pezas dun puzzle que soa á vez clásico e moderno, salpicado de guitarras que se entrelazan e voces que falan de mundos que non están neste. Os sons resultantes poden por momentos lembrarnos a Deerhunter ou Brian Jonestwon Masacre, bandas referente para Puma Pumku, xunto a indispensables como Pink Floyd, Neu!, Can ou King Crimson. Este disco ao que facemos referencia Is It In You? (Matapadre, 2014) é unha declaración de intencións que destila enerxía, ambición e inquietude, porque a experimentación está no ADN destes chavales, cuxa xuventure é a antesala de algo máis grande que está por vir.