JAVIER NAVAS QUARTET
JAVIER NAVAS vibráfono
JUAN GALLARDO teclado
BORI ALBERO contrabaixo
DANI DOMÍNGUEZ batería
Riquela Club acolle o debut en Santiago de Compostela de JAVIER NAVAS QUARTET cun concerto o mércores 29 de marzo no que o cuarteto andaluz presenta o seu novo disco. Publicado recentemente por Ambar Records, Finally in my hands é o primeiro álbum de Javier Navas como líder. Compoñen Finally in my hands composicións orixinais de Javier Navas, todas elas de gran enerxía, unha sorte de mestura entre tradición e modernidade dentro do jazz máis actual. O cuarteto que completan Juan Galiardo, Bori Albero e Dani Domínguez presentou xa o seu traballo, con grande éxito de público, en importantes escenarios e festivais como Jamboree Jazz Club (Barcelona), Jimmy Glass (Valencia), Clasijazz (Almería), Teatro Echegaray (Málaga), Festival Jazztedigo (Granada), Festival Rizoma (Algeciras), etc. En 2017 teñen xa programadas xiras por Cataluña (Jazz Cava de Terrassa, Sunset de Girona) e Galicia. Javier Navas Quartet foi seleccionado pola Asociación Andajazz (asociacións de jazz de Andalucía) para realizar una xira por toda a súa comunidade.
Colaborador habitual das orquestras máis importantes de Andalucía, o malagueño Javier Navas comezou pouco a pouco a facerse un oco no mundo do jazz, tocando con reputados músicos da escena actual e liderando os seus propios proxectos. Javier Navas compartíu escenario con artistas como Enrique Oliver, Phil Wilkinson, Pedro Cortejosa, Julián Sánchez, Bori Albero, Dani Domínguez, Ernesto Aurignac, Juan Galiardo, Toni Mora, David León, Jose Carra, etc. Actualmente participa activamente noutros proxectos como The Beatles Songbook e The Big Three (agrupación que lembra os míticos tríos de vibráfono, guitarra e contrabaixo). Javier Navas é un vibrafonista en continuo desenvolvemento, que une ao coñecemento clásico e técnico do instrumento, a linguaxe sofisticada e evolucionada do jazz e as músicas modernas.
5€
(+ gastos) Puntos de venda:
Riquela
Comparte! Riquela Jazz | Deleite ao vivo | Consumición mínima incluida na entrada | Presentación do disco "Finally in my hands" | Apertura portas 19.30h
