O Holanola Lab-Fesitval xorde coma un acontecemento impredicible. A súa premisa principal é que o espectador e os músicos teñan un lugar de encontro atravesado por diferentes achegas culturais, para xerar un intercambio de saberes ao redor da música. A referencia atmosférica do encontro é Nova Orleans, cidade que deu orixe ó jazz, pero o festival non ten límites de estilo, o principal é construír unha comunidade máis aló do escenario a través de actuacións e conversas musicais.

Holanola é un festival aberto musicalmente a moitos estilos, ecléctico, entendendo o encontro como unha mestura de diferentes influencias afastadas do elitismo e cun carácter marcadamente popular. Nese sentido, o programa integra diferentes achegas, desde sons máis locais ata outros universais coma o rock’n’roll. Ademais dos concertos o festival incorpora unha serie de conversas culturais ao redor da música, os seus contextos e derivas, guiadas por recoñecidos xornalistas musicais.

Queremos construír un diálogo horizontal entre músicos de diferentes xéneros e o público, para crear unha comunidade apaixonada polo intercambio cultural. Dámosvos a benvida ó Holanola Lab-Festival.

MARTES 12
21.00h - Sanny - Fuco Lois
MÉRCORES 13
21.00h - Sabela King & The Heartbreakers - Borriquita de Belem
XOVES 14
19.00h - Proxección "Buckjumping", de Lily Keber - Numax
21.00h - Josemi Carmona / David de Jacoba - Riquela
22.20h - Carlos Childe - Riquela
VENRES 15
20.00h - Fado Violado - Borriquita de Belem
21.00h - Sabine McCalla - Riquela
22.20h - Adrián Costa / Julián Maeso - Riquela
SÁBADO 16
11.30h - Comunidades artísticas e resistencia musical en Nova Orleans - Riquela
13.00h - SonEmerxente - Praza de Feixoo
21.00 - Duff Thompson / Steph Green - Riquela
22.20h - Max Bien Kahn / Sam Doores - Riquela
DOMINGO 17
13.00h - Shape-note singing. Obradoiro - Riquela
21.00h - Gina Leslie / Leonie Evans / Paloma - Modus Vivendi