O grupo de Brooklyn HALF WAIF, que lidera Nandi Rose Plunkett, inclúe a Santiago de Compostela e ao RIQUELA CLUB na súa primeira xira europea, organizada para presentar o seu segundo álbum, titulado Probable Dephts. O trío formado por Nadine Rose Plunkett, Zack Levine e Adan Carlo publicou o pasado maio o seu segundo traballo de longa duración, Probable Depths, un novo álbum que serviu para definir as liñas mestras duns Half Waif nas que as voces de Nandi Rose Plunkett son a clave sobre a que se asintan unhas composicións impecables. A canción Turn Me, Around foi seleccionada dentro das mellores cancións de 2016 por Pitchfork. Distintos medios falan de Art Pop por esa utilización do piano como elemento clásico en composicións que apenas pasan dos 3 minutos; outros citan a Julia Holter ou o primeiro Sufjan Stevens e, sen dúbida, estamos ante un traballo excitante e de gran carácter, soñador, que atrapa á primeira e logo permanece con facilidade na memoria. En definitiva, un disco de pop arriscado cun pé no mundo da clásica moderna que converte a Half Waif nunha das sensacións do momento. Probable Depths será a escusa para esta primeira visita a Europa do trío neoiorquino, con parada o 1 de febreiro de 2017 na compostelana sala Riquela.
http://www.half-waif.com/ https://halfwaif.bandcamp.com/
12€/10€ (anticipada) (+ gastos) Puntos de venda:
Riquela, A Reixa Tenda, Ticketea Entradas
Comparte! Entrada anticipada: 10 € / Taquilla: 12 €. Apertura portas 20.30h
