"Seeking New Gods" (2021), editado por Rough Trade Records é o sétimo álbum en solitario de Gruff Rhys. Gravouse despois dunha longa xira polos Estados Unidos e foi mesturado en Los Ángeles co produtor superestrella Mario Caldato, recoñecido polo seu traballo cos mesmísimos Beastie Boys.
O concepto orixinal do álbum era crear a biografía dunha montaña, o monte Paektu, un volcán activo de Asia oriental. Porén, a medida que o proceso avanzaba, Gruff comezou a reflexionar sobre a inabarcabilidade da escala de tempo en termos xeolóxicos, e sobre as características íntimas que confiren a este monte a súa condición mitolóxica; e as cancións tornaron cada vez máis persoais.
En palabras do propio Gruff: “O álbum trata sobre as persoas e as civilizacións, e os espazos que habitan durante longos períodos de tempo. A xente vai e vén, pero a xeoloxía mantense e cambia máis lentamente. Creo que o disco se trata de lembranzas e o paso do tempo. É unha biografía dunha montaña, pero agora o Monte Paektu para min significa moito máis ca iso. Non vas aprender moito sobre este monte ao escoitar estas cancións, pero con sorte chegarás a sentir algo.”
https://www.gruffrhys.com https://www.instagram.com/gruffingtonpost/
15€/12€ anticipada
(+ gastos) Puntos de venda:
SonEstrellaGalicia Entradas
Comparte! O proxecto do lider de Super Furry Animals, presentando o sue disco "Seeking New Gods"
