Greg Izor e Emilio Arsuaga volven reunirse para facer as delicias dos afeccionados á música americana de raíz (blues, country, swamp) cun espectáculo selecto, con sabor a gumbo de Louisiana, a Texas BBQ, a cocido madrileño e a caldeirada de peixe.
Greg Izor e Emilio Arsuaga, ambos os guitarristas, cantantes e armonicistas, coñecéronse en Austin en 2010, e desde entón veñen tocando xuntos a ambos os dous lados do océanoen salas e festivais. Polo camiño conectaron musical e persoalmente con Javier Turnes, cantante e guitarrista galego, a quen convenceron de dar o salto ao novo continente. Desde entón colaboran en España e habitualmente visitan Santiago e Fisterra.
Greg Izor desenvolve o seu proxecto en USA e Europa, e ten unha frutífera carreira discográfica con máis de seis discos. Emilio Arsuaga lidera The Mad Reeds e conta con catro discos e prepara o quinto. Xuntos gravaron un disco tributo a Lazy Lester na cidade texana de Austin, cun elenco dos mellores músicos locais. Javier Turnes, cantante e guitarrista de Santiago, con dous disco ás súas costas, lideraba a Bakin Blues Band e agora traballa no seu propio proxecto, The Hake Men.
Este verán, están a xirar de novo por Galicia e presentando os seus novos traballos, baseados nun repertorio de música de raíz americana, blues e country con xenuíno sabor sureño.
https://gregizor.com/ https://www.instagram.com/emilioarsu/?hl=es
Blues and R&B night
Entrada de balde
Comparte! American Roots Music Show
