Riquela Club acollerá durante este mes de xullo, dentro da súa programación especial de verán, dúas sesións de jazz, o xoves 6 de xullo e o xoves 13 de xullo, protagonizadas polo guitarrista compostelán Valentín Caamaño e o seu trío Green With Envy.
GREEN WITH ENVY
VALENTÍN CAAMAÑO guitarra
ANDRÉS RIVAS batería
JUYMA ESTÉVEZ contrabaixo
"Valentín Caamaño amosa e demostra con sinxeleza e mestría, en oito pistas, que é capaz de traer o pasado ao presente nunha viaxe sonora do máis placenteira, que o be-bop está moi vivo e que non é só unha peza de museo" (Enrique Farelo sobre Green With Envy. Tomajazz, febreiro 2017).
Green With Envy é o novo proxecto paralelo do guitarrista compostelán Valentín Caamaño, no que rende homenaxe ao gran guitarrista Grant Green. Dedicado á súa memoria e siempre co blues como raíz e referencia, é capaz de captar a esencia da súa música e interpretación, pero filtrado polo seu persoal xeito de entendelas. A proposta está cargada de swing, hardbop, blues e incluso gospel, facendo un verdadeiro percorrido pola música tradicional norteamericana, sempre ao través da mirada atrevida da música improvisada. O proxecto Green With Envy non se formula como unha formación casual, senón que o trío, que completan o batería Andrés Rivas e o contrabaixista Juyma Estévez, ten decidida vocación de continuidade e de traballo na difusión da figura do guitarrista de St. Louis. Green With Envy editou recentemente o seu primeiro disco baixo o título homónimo Green With Envy (FreeCode Jazz Records, 2017) e xa foi merecedor de excelentes críticas a nivel nacional e internacional.
https://valentincaamano.bandcamp.com/album/green-with-envy
Pases: 6/7/2017, 13/7/2017
entrada gratuita
(+ gastos) Puntos de venda:
Comparte! ROQUELA VERÁN | Entrada gratuita ata completar o aforo do local | Apertura de portas 21.30h
