“Só son un vello anaco de carbón, pero serei un diamante algún día” (Johnny Cash)

NÉSTOR PARDO guitarra e voz
ANTONIO RAMA guitarra solista
MIGUEL MARTÍNEZ contrabaixo

Néstor Pardo formou con só 19 anos en 2004 a súa primeira banda, The Loveless Cousins, formación de corte rock-a-billy coa que edita 2 álbums e que lidera como cantante, guitarrista e compositor durante 5 anos. O carisma de Néstor sobre o escenario sobresae desde o primeiro día e como proba diso é fotografado por Antonio Alay para o libro Rockin' Spain. En 2008 múdase a Madrid para rematar os seus estudos na Escola de Música Creativa, titulándose como guitarrista profesional en música moderna. En Madrid fai amizade co músico Roi Fontoira (The Phantom Keys / The Limboos), con quen monta a banda de R&B e swing The Allnight Workers, cos que afina a súa capacidade compositiva e grava dous álbums nos estudos Lightning Recordings de Berlín que publica o selo Gravacións De Impacto. Xiran por toda Europa e o seu prestixio increméntase sendo convidados a distintos festivais, tanto de jazz como de rock&roll, e converténdose na banda europea de Lala Brooks (The Crystals). En 2012 regresa á súa cidade natal, A Coruña, e comeza a tocar como músico de sesión para distintas formacións (Northwest Pickers, The Hot Chocolates, Dixie Lovers, The Honky Tonkin Boozers, Rockers Go To Hell, etc.) e en 2013 decide comezar unha carreira en solitario tocando a súa propia música e arrancando así unha nova etapa na que o músico escapa de calquera etiqueta ou prexuízo. É aquí cando nace Pardo, que non tarda en ver publicado un primeiro disco, gravado tan só coa súa guitarra e a súa voz e cunha celebrada versión do Everybody's Talking de Harry Nilson. Pasados un par de meses, chama a Miguel Martínez (contrabaixo) e a Adrián Seijas (batería) como banda de acompañamento e con esta formación presenta o disco por España cunha excelente aceptación e esgotando as 700 copias sen nengún tipo de promoción nin apoio de prensa. Coa súa banda grava en directo o seu segundo álbum, Let it stay, nos estudos Santa Cruz Recordings (New H-Records, 2015). En xaneiro de 2015 entra a formar parte do equipo de Laura Pausini no programa televisivo A Voz (Telecinco). Este ano gravou o seu terceiro disco como Pardo, cambiando o idioma dos seus proxectos á súa lingua materna e electrificando a banda; Sinto non ser o esperado é o título dun dos 11 temas incluídos, todos de composición propía.

MEMORIA DE JOHNNY CASH

Froito da colaboración con Licor 43 e baixo o nome GINGER 43 LIVE, un dos fíos conductores da primeira programación de Nadal do novo Riquela Club é unha homenaxe a un dos músicos máis influíntes do século XX, o gran Johnny Cash, ao que dedicaremos tres sesións que protagonizarán músicos galegos de variados estilos e contrastada calidade como Martín Esturao (Mad Martin), Sabela King, Nestor Pardo, Antonio López, Óscar Avendaño…, artistas que sen dúbida proporcionarán unha enriquecedora achega para redescubrir a este mítico e xenial artista de intensa personalidade ao que resulta difícil poñer unha etiqueta e que é considerado un dos máximos expoñentes da música country. Toño López (vocalista de The Soul Jacket) e Oscar Avendaño (Los Profesionales, Siniestro Total) unirán as súas forzas no primeiro dos concertos deste ciclo “Memoria de Johnny Cash”, mentres que o coruñés Pardo será o protagonista do segundo e, no terceiro, contamos cunha especial colaboración para a ocasión, a de Sabela King y Mad Martin. É a primeira vez que se celebran todos estes conciertos, trátase dunhas propostas cuxo estrea absoluta terá lugar no Riquela Club durante estas dúas semanas previas ao Nadal 2016. A entrada para os tres concertos é gratuíta ata completar o aforo do local.