La fuerza indescriptible, o título do primeiro traballo en solitario de Óscar D'Aniello (Delafé) é toda unha declaración de intencións convertida nunha mestura perfecta de luz, cor e ledicia nada contida. “Nada vale más que la vida. Luchen por la felicidad, y la felicidad es darle contenido a la vida”, un alegato vital de José Mújica co que Delafé sorpréndenos en medio da canción “Tenemos un don” e que cobra todo o seu sentido escoitando en directo a un artista renovado tras máis dunha década volcado no proxecto Delafé y Las Flores Azules.
Óscar D’Aniello pasou os últimos meses elaborando xunto ao seu aliado Dani Acedo as 11 cancións de La fuerza indescriptible; primeiro producindo e gravando con Paco Loco en El Puerto de Santa María, e logo misturando en New York con Tim Latham, gañador dun Grammy e ten traballado con artistas como, entre outros, De La Soul, Erykah Badu, D’Angelo ou Black Eyed Peas. O resultado é unha auténtica licuadora de sons que planea por diversos estilos e sempre abrazando o espírito da música negra. La fuerza indescriptible é un arsenal de canciónes rompepistas e vitalistas que consolidan unha versatilidade moi pouco común na composición musical: pop, hip-hop, soul, funk, electro e disco xunto ao inconfundible parafraseado de Óscar D’Aniello, a súa enerxía incombustible e a autoría de mensaxes bala. Para enriquecelo aínda máis, Óscar D’Aniello e Dani Acedo contaron para a grabación do disco con colaboracións salientables como a da voz de La Bien Querida en Contigo cobra sentido respirar, Carlos Cros en Diario de batalla, Priscila en Fiera, Voxelements en Hoy prenderán las brasas e, por suposto, Las Flores Azules de Helena Miquel, quen participa en Días y días e en Essaouira, a canción que pecha o disco despois dun reflexivo Minuto de silencio que nos invita a pensar, tras a intensidade e a crudeza de Fantasmas.
http://www.delafe.net/ https://www.facebook.com/delafeylasfloresazules/
16€/12€ (anticipada) (+ gastos) Puntos de venda:
Riquela, A Reixa Tenda, Ticketea Entradas
Comparte! Apertura portas 20.00h
