DANIEL BACHMAN, intérprete de guitarra de 6 cordas e guitarra lap steel residente en Petersburg (Virginia), visita Compostela e o Riquela Club o martes 18 de abril para ofrecer, co apoio de Deleite ao Vivo, o seu único concerto en España da súa xira. Dende 2008 ata o momento ten producido, case exclusivamente, material musical de carácter instrumental ao mesmo tempo que xiraba por toda Europa e América, de Estambul a Los Ángeles. Daniel Bachman ven xogando dende que era adolescente co que el mesmo define como "Psychedelic Appalachia", publicando pequenas edicións en cinta, CD e LP nos últimos tres anos, cun son que evolucionou a partir drones e banjos tomando como base un son de guitarra actualizado. En xira constantemente a partir dos 17 anos, Daniel Bachman ten tocado en todos os recunchos dos Estados Unidos, compartindo escenario con artistas folk afíns como o seu compañeiro Jack Rose, para quen Daniel Bachman realizou a imaxe artística do lanzamento discográfico póstumo Luck in the Valley. O seu propio nome da título ao seu último longa duración editado por Three Lobed Recordings; Daniel Bachman é o seu oitavo álbum como solista e supón o seu traballo máis reflexivo e minuciosamente concibido ata a data. Incluso durante a canción máis concisa e directa do disco, Daniel Bachman tómase o seu tempo para considerar onde está e cara onde camiña como artista. Cando o ritmo comeza a acelerarse, Daniel Bachman pon o freno, facendo soar un longo acorde ou, incluso, deténdose completamente para evitar deixarse levar pola corrente.
http://danielbachman.com/
8€ / 6€ (anticipada) (+ gastos) Puntos de venda:
Ticketea, Riquela, A Reixa Tenda Entradas
Comparte! Deleite ao Vivo | Presentación do disco "Daniel Bachman" | Apertura de portas 21.00h
