Gañadora do galardón á mellor voz nos British Blues Awards 2015, a cantante Dani Wilde actuou nos últimos 10 anos en centos de salas e festivais de Europa, Estados UNidos, Canadá e África, dende o prestigioso Royal Albert Hall londinense ou o Times Square de Nova Iorque ata comunidades desfavorecidas de Kenia con motivo da súa labor humanitaria na loita contra a pobreza infantil nese país. Dani WIlde acadou tres número 1 na Oficial I-Tunes Blues Music Charts e abriu concertos para artistas da talla de Jools Holland, Nazaret, Johnny Winter, JOurney, Foreigner, Maddie Prior, Robert Ford... Tamén actuou no The Legendary Rhythm and Blues Cruise xunto a Bobby Blue Band e fixo colaboracións en directo con Pee Wee Ellis, Christopher Hollan, SAmantha Fish ou Sue Foley. Gravou con recoñecidos productores como Stuart Dixon e o lexendario Mike Vernon (Fleetwood Mac, Eric Clapton). Dani Wilde publicou 3 discos en solitario ademais do álbum "Girls With Guitars". Riquela Club recibe a súa visita o martes 6 de decembro no marco da súa xira española de presentación do seu último disco, "Songs about you", no que colaboran grandes músicos do Reino Unido como Fergus Gerrand (Madonna, Sting) á batería, o baixista Roger Inniss (Chaka Khan), o pianista Janos Barrista (Jimmy Ruffin), o organista Greg Coulson (La Selecter) e o chelista Behany Porter (Peter Gabriel, Kula Shaker). Un cancioneiro honesto e íntimo que combina country, blues e gospel en lelodías fascinantes.
http://www.daniwilde.com
12€/10€ (anticipada)
(+ gastos) Puntos de venda:
Riquela, A Reixa Tenda, Tickentradas Entradas
Comparte! Mellor vocalista feminina nos British Blues Awards 2016. Presentación do disco "Songs About You". Apertura portas 20.00h
