O paso de COOPER (Alex Díez Garín) polo Atlantic Fest 2016 o pasado verán, repasando as súas 3 décadas de carreira nun concerto memorable no que soaron os grandes clásicos de Los Flechazos e da súa traxectoria en solitario como Cooper, deixou a todos con gañas de máis. Este ano, COOPER embarcarase na gravación dun novo disco e tan só ofrecerá 3 actuacións, dúas nos Atlantic Days que contan con Riquela Club entre as súas sedes. Esta sesión vermú (13.00 h.) será unha oportunidade única de ver, nun formato íntimo e acústico, a Cooper durante o 2017. Alex Díez é probablemente o persoeiro máis representativo da escena mod española. Líder de Los Flechazos durante máis dunha década e con máis de 15 anos á fronte de COOPER, o son, as cancións, a imaxe e a voz deste herdeiro directo de grandes nomes como The Kinks ou The Jam forman parte da historia do pop español por dereito propio.
Ata a súa desaparición, feita pública no festival Purple Weekend 1998, onde ofreceron o seu último concierto, Los Flechazos enarboraron dende finais dos anos oitenta a bandeira do pop adolescente, as melodías atemporais, a elegancia e o bo facer. Los Flechazos evocaban o son e a estética da década dourada do pop achegando unha sensibilidade actual e renovada e foron os principais representantes do estilo mod-beat en España. Pouco tempo despois da disolución do mítico grupo leonés, Alex Díez volveu con ilusións renovadas e brillantes novas cancións: a súa nova formación COOPER non pretendía ser unha continuación de Los Flechazos, nin siquera un grupo ao uso, pero calquera fan de Los Flechazos pode recoñecer inmediatamente quen se agocha detrás de Cooper, xa que o estilo na composición e a voz de Alex Díez son completamente inconfundibles. Alex Cooper é unha figura imprescindible para entender a historia do pop en España.
http://elefant.com/grupos/cooper https://www.facebook.com/pg/cooper.mi.universo
15€/12€ (anticipada) (+ gastos) Puntos de venda:
: Riquela, A Reixa Tenda, atlanticfest.com Entradas
Comparte! Atlantic Days / Atlantic Fest 2017 | Sesión Vermú | Apertura portas 12.00h
