Carla Green & The Demons formouse en Compostela o pasado verán de 2016 coa intención de levar aos escenarios o mellor soul dos anos 60 e 70, como ocorrerá o sábado 22 de abril en Riquela Club, onde interpretarán o seu repertorio baseado en clásicos de artistas como Etta James, Wilson Pickett, Otis Redding… En definitiva, a época dourada de selos discográficos como Chess, Stax ou Atlantic Records. A pesar de ser unha banda de recente formación, está composta por músicos con experiencia e unha dilatada traxectoria en estilos como o blues, o swing e o jazz. Á fronte na guitarra está David Tato (Bakin’ Blues Band), ao baixo Fran Sanz (Bakin’ Blues Band), aos saxos tenor e barítono Martiño Mato (Banda de Música Recreativa e Cultural de Bandeira), ao trombón José Luis Miranda (Garufa Blue Devils Big Band), á batería LAR Legido (Sumrrá) e, como vocalista, Carla Green. Cómpre salientar, entre os seus compoñentes, a participación de David Tato, Martiño Mato e Carla Green como membros da banda de Barbara Lynn no Outono Códax Festival, prestixioso certame no que Carla Green tamén actuou como corista de La La Brooks e foi invitada para presentar a Irma Thomas.
https://www.facebook.com/CarlaGreenSoul/
6€ (+ gastos) Puntos de venda:
Riquela, A Reixa Tenda
Comparte! FOTOGRAFÍAS: CRIS ANDINA, LUCÍA MALLO, SUSO TORRADO, JOSE LUIS LUNA | Apertura de portas 20.00h
