Bob Stroger, lenda do blues, visita Compostela para ofrecer un concerto único o xoves 20 de abril en Riquela Club. Nado en Hayti (Missouri) en 1930, Bob Stroger trasladouse coa súa familia sendo un adolescente a Chicago, onde vivía na parte traseira dun clube onde Howlin’ Wolf e Muddy Waters adoitaban tocar, e quedou fascinado para sempre polo blues. Este veterano baixista, compositor e cantante formou parte dalgunhas das máis míticas formacións da historia do blues (Otis Rush, Eddie King, Jimmy Rogers, Sunnyland Slim, Homesick James, Louisiana Red, Snooky Pryor, etc.) ata que no 2000 decide comezar a gravar como líder da súa propia banda. Bob Stroger é unha das escasas conexións que nos quedan coa época dourada do blues e todo un referente na historia da música afroamericana e, en particular, do blues. Bob Stroger foi galardoado en dúas ocasións, 2011 e 2013, nos Blues Music Award como mellor baixista de blues. Bob Stroger está acompañado neste único concerto en Galicia por Quique Gómez (harmónica), Luca Giordano (guitarra) e Guillaume Destarac (batería).
15€/13€ (anticipada) (+ gastos) Puntos de venda:
A Reixa Bar, Riquela, A Reixa Tenda, Duduá, Komic Libraría, Ticketea Entradas
Comparte! Apertura de portas 20.30h
