Creada en 1997 en Valladolid, Blue Days é unha banda cun longo percorrido ás súas costas e catro discos no mercado. Con experiencia anterior en bandas de rhythm & blues, soul, roots, etc., os seus compoñentes atesouran unha traxectoria vencellada ao xénero do blues, ademais de ser recoñecidos profesionais pola súa pertenza e colaboración con artistas e bandas como Celtas Cortos, Velma Powell, Ñaco Goñi, Shortfuse, Spleen, Belén Dreik, Al Este del Edén, Cifu & La Calaña Sound, Freebells Blues Band, Carlos Chaouen, etc. No seu estilo predomina o son das bandas de Texas, con esa máxica mistura de elegancia e sólida base rítmica influenciada por bluesmen como T-Bone Walker, Albert King, Johnny Copeland, Albert Collins, B.B.King ou Stevie Ray Vaughan e míticas bandas como ZZ Top, Fabulous Thunderbirds e Allmann Brothers Band. No repertorio de Blue Days atopamos temas clásicos do Blues de Chicago, levados ao seu estilo con arranxos impulsivos e penetrantes, xunto a temas propios da banda caracterizados pola súa enerxía e potencia rítmica. Blue Days teñen labrada unha sólida reputación, tras máis de 700 concertos, grazas a uns directos divertidos e vitamínicos conducidos con oficio e cos que se teñen presentado en salas e festivais entre os que cómpre salientar Hondarribia, Ponferrada, Zizurkil, Guarda(Portugal), Universijazz, Tolosa, Portugalete, Valladollid, Caceres, Leioa, Jazz CyL, Islas Azores, etc.
http://www.bluedays.es https://www.facebook.com/bluedaysbluesband
Entrada de balde
Comparte! Entrada gratuita ata completar aforo | Apertura de portas 20.00h
