BIRDS ARE INDIE continua xirando para presentar o seu último traballo discográfico, Let’s pretend the world has stopped, e chega o sábado 20 de maio ao Riquela Club compostelán. Birds are Indie naceu en Coimbra creado por Ricardo Jerónimo y Joana Corker, aos que se uníu Henrique Toscano, un amigo de vello. Despois dalgúns EPs, un tema do seu disco How music fits our silence foi incluído na compilación Novos Talentos FNAC 2012. Como banda independente foron gañando o respecto de público e crítica grazas a unha notable discografía en diversos formatos entre os que salientan Love is not enough (2014) e o máis recente Let’s pretend the world has stopped (2016). Teñen tocado en todo o seu país e boa parte de España e manteñen a filosofía de sinxeleza do seu proxecto, no que persiste o máis importante, o amor e un estilo pop íntimo e sincero baseado en cancións que, dependendo do día, unhas veces son alegres e outras tristes. Entre as múltiples loubanzas que merece o trío portugués podemos salientar: “O encanto de Birds are Indie é precisamente a simplicidade daqueles que quizais non naceron para a música pero, sen embargo, a música nace deles”; “Birds are Indie factura un pop folk orgánico e delicado, aires acústicos e arranxos preciosistas”; “Estiveron sublimes nesa intimidade máxica, tenra e entrañable”, “Cancións delicadas, sinxelas, de son aveludado e concibidas para degustar sen o menor atisbo de presa”…
https://birdsareindie.bandcamp.com https://www.facebook.com/BirdsAreIndie.music
8€ / 6€ (anticipada) (+ gastos) Puntos de venda:
icketea, A Reixa Tenda, Riquela Entradas
Comparte! Apertura de portas 20.00h
