Tras os concertos de Cooper e de Sr. Chinarro, os Atlantic Days que organiza o arousano Atlantic Fest volven a Riquela Club cunha nova sesión vermú o sábado 27 de maio na que actuarán os galegos Best Boy.
BEST BOY é o nome do proxecto nado en Tui e liderado por Ángel Sánchez e Lucas Fernández que se está a converter nunha das bandas revelación da escena musical galega tras as súas actuacións en festivais e salas como Festival SinSal, Festival de la Luz, Mercado da Estrela, Hora25 con Angels Barceló, Fiesta demoscópica Mondo Sonoro, Lapso 2015 (abrindo o escenario para The National), Auditorio Mar de Vigo (como teloneiros dos portugueses The Gift), Atlantic Fest, etc. Entre as súas influencias, Best Boy recoñece: “influencias? pois … todas. Dende o blue grass ao funk máis clásico, dende o soul da Motown ata o rock sureño, o pop, o jazz … é o que ten ser unha banda “fronteriza” (Tui). Best Boy atópanse cómodos en calquera formato, dende un pequeño concerto acústico, íntimo e para uns pocos amigos, ata un gran festival onde sexa necesaria a enerxía e a comunicación con grandes audiencias. Cross the border é o título do primeiro compacto de Best Boy e nos próximos meses verá a luz o seu novo álbum en directo.
http://www.bestboy.es http://www.atlanticfest.com14€ / 10€ (anticipada)
(+ gastos) Puntos de venda:
Riquela, A Reixa Tenda, www.atlanticfest.com/atlanticdays Entradas
Comparte! Atlantic Days / Atlantic Fest 2017 | Apertura de portas 12.00h
