O polifacético artista arxentino ANDY CHANGO presenta en Riquela Club o próximo xoves 21 de setembro o seu primeiro espectáculo cómico unipersoal. Baixo o título EL HOMBRE NADA, Andy Chango deseñou unha serie de monólogos cercanos ao stand up, termo que, con bo humor, el detesta porque “discrimina aos lisiados e aos demais obríganos a estar de pé”. Nos seus soliloquios, eventualmente acompañado polo seu teclado electrónico, Andy Chango fainos rir e reflexionar sobre a relixión, o sexo, o amor, a vagancia, a policía, a paternidade, o rock, as drogas, o alcohol e outros temas de interese xeral filtrados ao través da súa experiencia e a súa disparatada e lúcida visión do patetismo humano.
ANDY CHANGO conta cunha ampla traxectoria como músico, cantante, compositor, con experiencia en televisión e radio e, agora, como escritor. Como músico e compositor ten publicado cinco discos, cos que xirou a ambas beiras do Atlántico, ademais de compoñer bandas sonoras para diferentes longametraxes. A súa faciana televisiva fórxase en 2001 a raíz dunha serie de entrevistas que provocaron unha inesperada popularidade no seu país. Comeza a colaborar en programas como “El Intermedio” en España e conságrase no seu país natal participando durante dúas tempadas no popular programa de televisión “Duro de Domar” cunha sección propia, “Chango Feroz”, por la que foi nominado aos importantes Premios Martín Fierro. No medio radiofónico comezou en Radio 3 RNE co programa “Andy y Amigos”, máis tarde na Radio Nacional Arxentina (“La espuma de las noches”) e, actualmente, no programa “Futuro Rock”. A Editorial Planeta ven de publicar o seu primeiro libro, Indianápolis.
https://www.facebook.com/andy.chango.OFICIAL/ https://twitter.com/changoandy?lang=es
12€ / 9€ anticipada
(+ gastos) Puntos de venda:
Ticketea, Riquela, A Reixa Tenda Entradas
Comparte! Presentación do seu primeiro show cómico unipersoal, El hombre nada | Apertura de portas 20.30h
