Amparo Arias é unha cantautora ferrolá cuxa música contén trazas de pop, folk, bossanova e psicodelia. O seu álbum Todo lo que no pasó amosa un claro abanico de estilos musicais que nos fan viaxar no tempo e rememorar a músicos como Chrissie Hynde, Astrud Gilberto, Love ou The Beatles. Neste disco, producido polo músico ferrolán Óscar Quant e a propia artista, colaboran un bo elenco de músicos de Ferrolterra de calidade contrastada como poden ser o propio Óscar, Roger de Flor, Joaquin Bianco, Cabe García, Fran Rey, Adán Arias…Tras un longo silencio, Amparo (voz, guitarra acústica, percusión) decidiu tocar as súas cancións en directo acompañada do seu irmán Rogelio Arias (guitarra eléctrica, charango, coros) nunha posta en escena de ampla variedade e riqueza sonoras. Ao través do seu espectáculo, no cal tamén fai adaptacións de xoias ocultas do pop (Marc Bolan, Velvet Underground etc.), Amparo Arias amosa que a dozura e suavidade melódica das súas cancións non está rifada co acedo pouso que deixan algunhas das súas letras (Timeless guy, O tren dás seis, Limodre etc.). Unha das súas últimas colaboracións foi co músico de Seattle Ken Stringfellow e a súa banda The Posies, que a animaron a dar o salto para cantar as súas cancións en directo. Actualmente tamén está inmersa na composición de novos temas para un futuro disco, ademais de poñer voz a varios dos poemas de William Blake, musicalizados xunto ao seu irmán e o músico ourensán Raúl Díaz (Os Amigos dos Músicos, Niño y Pistola), nun proxecto que axiña sairá á luz.
https://amparoarias.bandcamp.com/ https://www.facebook.com/ampi.arias
4€ (+ gastos) Puntos de venda:
Riquela, A Reixa Tenda
Comparte! Presentación do disco "Todo lo que no pasó" | Apertura de portas 20.00h
