Esta cantante, multiinstrumentista e compositora arxentina trasládanos a un trance alegre e festivo a través da fusión de ritmos dixitais, acordes de charango, melodías de guitarra e pinkullo. Ofrece unha reinterpretación do folclore latinoamericano enriquecido con elementos electrónicos e do hip-hop, facendo unha apaixonada homenaxe ás culturas indíxenas. A súa actuación é unha viaxe iniciática que, ademais de profundamente musical, nos mergulla nun universo sensorial e emocional, invitándonos a unirnos ao baile.
O seu último disco, «HIERBA MALA» (Wonderwheel Recordings, 2023), realizado en colaboración coa produtora francesa Yeahman, foi publicado en setembro de 2023. Trátase dun traballo inspirado en diversas paisaxes da Arxentina. A metáfora da «mala herba» érguese como símbolo da resistencia, onde a persistencia personifica o espírito inquebrantable que habita estes lugares. Como indica o título, este EP rebosa de carácter, raíces e morriña, trazando o seu camiño a través de sons ancestrais que, xunto coas súas letras, presentan unha multiplicidade de composicións pintadas con diversas tonalidades e elementos naturais
https://www.instagram.com/alumineguerrero/ https://alumineguerrero.bandcamp.com/
Festival Maré
Entrada gratuita
(+ gastos) Puntos de venda:
Comparte!
