A boa nova é que The Allnight Workers volven á estrada cunha serie de concertos anunciada para as primeiras semanas de 2017 que inclúen a actuación en Riquela Club o 28 de xaneiro da man de “clube Estrella Galicia”. Creada en 2010 por Roi Fontoira (The Phantom Keys / The Limboos) e Néstor Pardo (The Loveless Cousins), The Allnight Workers axiña sorprenderon dende o primeiro momento cun directo divertido, elegante e salvaxe no que combinan rhythm & blues, swing e influencias do jazz e outras esencias da música afroamericana dos anos 50 e 60. Xiraron por Europa, actuaron xunto a artistas da talla de Spencer Davis, The Animals ou Booker T e o seu prestixio non deixou de crecer respaldados por público e crítica e loubanzas de persoeiros como Healer Selecta, unha referencia da escena musical londinense. Non podemos esquecer os seus dous discos, compostos fundamentalmente por temas propios e algunha versión ben seleccionada, con edición limitada en vinilo da discográfica Grabaciones de Impacto e gravados con tecnoloxía analóxica en Berlín: This only happens once (2010) e Do it again, please! (2012). Tras a súa participación no Outono Códax Festival 2012, The Allnight Workers convertíronse na banda europea de Lala Brooks (The Crystals). Botabamos de menos a The Allnight Workers e agora os recibimos cos brazos abertos en Riquela Club… Agardamos que sexa para quedarse!
https://es-es.facebook.com/The-Allnight-Workers-145140318839725/
+THE PREACHERS
10€/8€ (anticipada)
(+ gastos) Puntos de venda:
Riquela, A Reixa Tenda
Comparte! Clube Estrella Galicia | Apertura portas 20.00h
