You can't talk to a man With a shotgun in his hand Carole King
Comida, música, tragos e máis…

RIQUELA (música, comida, bebidas…) divídese en dúas zonas diferenciadas tanto en horarios como en contidos: RIQUELA BAR e RIQUELA CLUB.

RIQUELA CLUB é a esencia cultural do espazo, unha sala con capacidade para máis de 200 persoas onde gozar de música en vivo e unha gran variedade de espectáculos. RIQUELA CLUB é ao mesmo tempo unha sala versátil e flexible, preparada tamén para acoller concertos e eventos nun entorno máis íntimo.

A nosa ampla carta de bebidas foi deseñada en consonancia co espírito dun local no que gozar do directo musical. Nun espazo coidado e con personalidade, en RIQUELA CLUB poderás atopar unha programación estable, variada e de calidade con concertos, ciclos, festivais, residencias de artistas e propostas singulares de rock, soul, jazz, blues e outros xéneros musicais.

Características técnicas

En RIQUELA CLUB dispoñemos de todo o necesario para levar a cabo o teu evento. Se queres montar un concerto podes descargarte o rider técnico da sala e ver exactamente o equipo de son co que contamos, o noso backline básico e o noso escenario. Aquí vos deixamos un resumo das especificacións técnicas:

- Escenario de tarimas de 4x3 m.
- Equipo de son con watios de sobra para as dimensións da sala.
- Monitores de escenario.
- Mesa de son dixital con control dixital táctil.
- Microfonía estándar voces, amplificadores e batería.
- Backline básico (batería, amplificador de baixo e amplificador de guitarra).
- Mesa de DJ con 4 canais.
- Pratos e pletinas de CD.
- Sistema de son hi-fi.
- Sistema de proxección de imaxes.

Se tes dúbidas podes contactar connosco ao través do noso formulario de contacto ou escribíndonos a eventos@riquela.com