#47
TON RISCO TRÍO
Mércores 15/3/2017 21:30

TON RISCO TRÍO
TON RISCO vibráfono
ALEX SALGUEIRO órgano Hammond
IAGO FERNÁNDEZ batería

Aínda que estes tres músicos son vellos coñecidos doutras formacións, non foi ata finais de 2013 que naceu este trío formado por Iago Fernández (batería), Alex Salgueiro (órgano Hammond) e Ton Risco (vibráfono). TON RISCO TRÍO ten a súa razón de ser na intención de xuntar dous timbres singulares coma son o do vibráfono e o do órgano nunha formación pequena e autónoma, emulando o tándem Joey DeFrancesco & Bobby Hutcherson. O son resultante ten o toque tradicional do trío, mais cunha tonalidade cool, diferente do trío de jazz clásico. O repertorio de Ton Risco Trío móvese entre os temas orixinais e os standards, onde as sonoridades máis íntimas se misturan con grooves e up tempos.
Nado en Ourense en 1979, TON RISCO trasládouse en 1999 a Holanda para licenciarse en percusión clásica e vibráfono jazz no Real Conservatorio da Haia. Recibíu clases de Joe Locke (New York), Dave Samuels e Tony Micelli (Delaware University, New Jersey) e David Friedman (Berlín). Formado en música clásica e jazz, o seu carácter ecléctico lévao a colaborar cunha grande variedade de artistas entre os que salientan a Metropole Orkest (Ámsterdam), Vince Mendoza, Kenny Werner, Orquestra de Jazz de Galicia, Andreas Prittwitz, Xosé Manuel Budiño, Narf, Enrique Oliver, Paco Charlín, Víctor Prieto Trío, LAR Legido, Jacobo de Miguel, etc., participando en festivais en Estados Unidos, México, Holanda, Bélxica, España e Taiwán. Con tres discos baixo o seu nome, compaxina a súa faciana de músico freelance coa docencia no Conservatorio Profesional de Santiago de Compostela. IAGO FERNÁNDEZ (Cangas, 1987) formouse entre Cangas (percusión clásica) e Pontevedra (Seminario Permanente de Jazz de Pontevedra) para despois graduarse no Centro Superior de Música del País Vasco, Musikene (especialidade de jazz-batería), onde recibiu clases de Jorge Rossy, Jo Krause, Albert Sanz e Guillermo Klein entre outros. A partir dos 20 anos toca con regularidade en festivais e clubes de jazz de toda a península Ibérica, ademais de realizar en esporádicos proxectos por Europa. Ten colaborando con músicos como Avishai Cohen, Omer Avital, Perico Sambeat, Marcus Strickland, Lage Lund, Masa Kamaguchi, Javier Colina, Albert Sanz, Chris Kase, Jorge Rossy, Guillermo Klein, Jesús Santandreu, Logan Richardson, John O'Gallagher ou Ptros Klampanis. Ten gravado máis de vinte traballos como colaborador e tres discos como líder: Agromando (2011), Acougo (2015) e Brisa (2016). Frautista, teclista e organista "Hammond", ALEX SALGUEIRO (A Estrada, 1983) formou parte da Banda Cultural de Teo e da Banda Municipal da Estrada como frauta principal/solista durante 14 anos. Logo de licenciarse en frauta traveseira no Conservatorio Superior da Coruña con Julio Cabo e Fernando Gracia, iniciou estudos de piano moderno na Escola Estudio e no Seminario Permanente de Jazz de Pontevedra co mestre Paco Charlín. Na actualidade centra a súa actividade no estudo e na práctica do órgano Hammond, o que o leva a colaborar con numerosas agrupacións e a liderar os seus propios conxuntos.

http://www.tonrisco.com/ Cartel del concierto
#47 TON RISCO TRÍO Mércores 15/3/2017 21:30
5€
¡Comparte! Riquela Jazz | Deleite ao vivo | Consumición mínima incluida na entrada | Apertura portas 20.30h Logos
#111
Xoves 21/9/2017 21:00

O polifacético artista arxentino ANDY CHANGO presenta en Riquela Club o próximo xoves 21 de setembro o seu primeiro espectáculo cómico unipersoal. Baixo o título EL HOMBRE NADA, Andy Chango deseñou unha serie de monólogos cercanos ao stand up, termo que, con bo humor, el detesta porque “discrimina aos lisiados e aos demais obríganos a estar de pé”. Nos seus soliloquios, eventualmente acompañado polo seu teclado electrónico, Andy Chango fainos rir e reflexionar sobre a relixión, o sexo, o amor[…]

#111 Andy Chango Xoves 21/9/2017 21:00
12€ / 9€ anticipada Entradas
#115
Venres 29/9/2017 20:00
Seráns en Feixoo

Banda formada na Coruña en 2010 por Marian Ledesma (voz), Nacho Martín (contrabaixo) e Guillermo A. Crespo (guitarra), empezaron a formar o seu repertorio con clásicos do rockabilly e homenaxeando aos seus ídolos Gene Vincent, Janis Martin, Wanda Jackson, Carl Perkins, etc. Axiña ten lugar a incorporación de Víctor Sánchez no saxo e Santi Roma na batería e, a clara inclinación cara o jazz e o blues da cantante Marian Ledesma, fai virar o seu repertorio ó jive, o rhythm & blues e os sons máis […]

#115 MAY THAI & LOS TORINO ROCKETS Venres 29/9/2017 20:00
Seráns en Feixoo
De balde
#114
Mércores 27/9/2017 20:00
Seráns en Feixoo

Un concerto de The Fabulous Resaca Brothers é unha experiencia difícil de describir, ¡sobre todo porque nunca sabes por onde pueden tirar! Os seus membros son simpáticos músicos procedentes de lugares tan dispares como Boiro (Illinois), Santiago de Wisconsin ou Vigo, unha rexión apartada na zoa dos Cárpatos. O que si é seguro é que complicado non mover o pé e menear o cú con ese blues de taberna que tan ricamente executan.

Organizados por dous locais míticos do Casco Vello compostelán[…]

#114 THE FABULOUS RESACA BROTHERS Mércores 27/9/2017 20:00
Seráns en Feixoo
De balde
#112
Sábado 23/9/2017 21:00
Artista invitada: Uxía

Ven a soñar o Sur nas cancións de Javier Ruibal. Deixate levar pola súa música e sentirás unha paixón arrolladora, exuberante, colorista e luminosa. Suresencias é un finísimo destilado da esencia dol Sur que entrará poderosamente por todos os teus sentidos. Co esmero e a dedicación do alquimista, Javier Ruibal oficia cada concerto como un chamán que te fará amar para sempre o Sur, nunha viaxe pola emoción cara a utopía.

De Javier Ruibal dinos Juan Manuel Caballero Bonald: “No xa cop[…]

#112 Javier Ruibal Sábado 23/9/2017 21:00
Artista invitada: Uxía
15€ / 13€ (anticipada) Entradas
#113
Martes 12/9/2017 20:00
Seráns en Feixoo

Para despedir o verán e antes de que cheguen as choivas, a Praza de Feixóo aínda será o escenario de 3 concertos máis. O martes 12 de setembro será a vez do rock absurdo de Es un árbol!: “Ellos son el futuro como la sonrisa de un niño, y están listos para hacerte arder dentro de su agreste maquinaria musical”. En caso de choiva, o concerto celebrarase no Modus.

Organizados por dous locais míticos do Casco Vello compostelán que case non necesitan presentación, como A Borriquita de Belén[…]

#113 ES UN ÁRBOL Martes 12/9/2017 20:00
Seráns en Feixoo
De balde
#110
Venres 1/9/2017 22:00
+ Triunvirato DJs

Soledad amosa outra cara de sí mesma en "Dance and Hunt" , o seu xeito de comezar a compoñer mudou neste tempo, ensamblando a electrónica que tiña dando voltas na súa cabeza coas súas novas cancións e, de forma moi natural a presenza de cada elemento cambiou e a forma de transmitilo tamén.

"Dance and Hunt" está composto e producido por Soledad Vélez, entre Galicia e Valencia, nun proceso no que a artista descubriu novas aristas. "Dance and Hunt" trata sobre as sensacións, sobre o move[…]

#110 Soledad Vélez Venres 1/9/2017 22:00
+ Triunvirato DJs
8€ Entradas
Anterior Siguiente